وه‌زاره‌تا شه‌هيد و ئه‌نفالكريێن هه‌رێما كوردستانێ:500ئێزدى بێ سه‌روشينن
ئێزديخان نيوز:
وه‌زاره‌تا شه‌هيد و ئه‌نفالكريێن هه‌رێما كوردستانێ ئيرۆ رۆژا پێنج شه‌مبوويێ راگه‌هاند،كو 500ئێزدى بێ سه‌روشينن و پێنج هه‌زار كچ و ژن هاتينه ره‌ڤاندن ژ ده‌مێ رێكخراوا داعش يا تيرۆرستى هاتيه دناڤ شنگالێ دا ل سالا 2014ێ يا بۆرى،دووپاتكر بترى 430هه‌زار كوردێن ئێزدى كۆچكرينه،داخواز كر ژى كو دڤێت پشته‌ڤانيا وان بزاڤان بێته كرن بۆ هندێ عيراق ببته ئه‌ندام ددادگه‌ها تاوانێن نێڤ ده‌وله‌تى دا.
ئاژانسا مه‌دى پرێس راگه‌هاند، محمود حاجى وه‌زيرێ شه‌هيد و ئه‌نفالكريان ل هه‌رێما كوردستانێ دكۆنگرێ ئێكێ يێ بۆدانه‌نياسينا ئه‌نفالێ ب تاوانه‌كا كۆمكوژييا ب كۆم ل قه‌زا كه‌لارێ يا گرێدايى پارێزگه‌ها سلێمانيێ ڤه گۆت:بترى 430هه‌زار كوردێن ئێزدى كۆچكرينه و ل باژێرێن هه‌رێمێ و چيايێ شنگالێ به‌لاڤ بووينه هه‌ر ژ ده‌مێ ريكخراوا داعش يا تيرۆرستى شنگال داگيركرى.
صالح دووپاتكر،پێنج هه‌زار ئێزدى تووشى سه‌بايێ بووينه،ديسان ل نك مه 500ئێزدى بێ سه‌روشينن و 600زارۆك و دانعه‌مر ل چيايێ شنگالێ مرينه.
صالح داخوازكر كار بۆ پشته‌ڤانيا وان بزاڤان بێته كرن يێن ژبۆ ئه‌ندامبوونا عيراقێ ددادگه‌ها تاوانێن نێڤ ده‌وله‌تى دا.
