التخطي إلى المحتوى الرئيسي
بحث هذه المدونة الإلكترونية
ل جڤاتا ئێمناهييا نێڤ ده‌وله‌تى ڤيان ده‌خيل دێ پێشنياره‌كێ بۆ كێشا ئێزديان كه‌ت
ئێزديخان نيوز:
وه‌زيرا ده‌رڤه‌يا سويدێ راگه‌هاند كو ئه‌و دێ بابه‌تێ ژن و زارۆكێن ره‌ڤاندى ل عيراقێ بۆ جڤاتا ئێمناهييا نێڤ ده‌وله‌تى بلند كه‌ت.
نڤيسينگه‌ها په‌رله‌مانتار ڤيان ده‌خيل ئه‌نداما په‌رله‌مانێ عيراقێ راگه‌هاند،پشتى وێ ديدارا دناڤبه‌را من و شانده‌كى په‌رله‌مانێ عيراقێ يا دگه‌ل وه‌زيرا ده‌رڤه‌يا وه‌لاتێ سويدێ هاتيه ئه‌نجام دان چه‌ندين بابه‌تێن گرنگ لسه‌ر گۆره‌پانا سياسى هاتنه گه‌نگه‌شه‌كرن،هه‌روه‌سا ده‌خيل بابه‌تێ ژن و زارۆكێن ره‌ڤاندى و چاوانيا هاريكاريكرنا وان ژبال جڤاكێ نێڤ ده‌وله‌تى و وه‌لاتێ سويد ڤه پێشنياركر.
ده‌خيل راگه‌هانديه ژى كو وه‌زيرا ده‌رڤه‌يا سويدێ دبه‌ياننامه‌يه‌كا فه‌رمى يا خۆ دا راگه‌هاند ئه‌و دێ مه‌سه‌لا ره‌ڤانديێن ژن و زارۆكا بۆ جڤاكێ نێڤ ده‌وله‌تى بلند كه‌تن.
ده‌خيل ئاماژه‌كر،ئه‌ڤه دێ دبه‌رژه‌وه‌ندييا كێشا ئێزديان دا بتن و پشته‌ڤانيه بۆ وێ ده‌مێ لسه‌ر مێزێ گه‌نگه‌شه‌يان ل جڤاتا ئێمناهييا نێڤ ده‌وله‌تى پێشنيار دكه‌تن.
