كونسلێ ئه‌مريكا ل هه‌ولێرێ:مێژوويا ئێزدياتيێ يا پره ژ نه‌خۆشى و جينۆسايدا
ئێزديخان نيوز:
كونسلێ ئه‌مريكى ل هه‌ولێرێ سه‌ره‌دانا ده‌سته‌يا بلندا بنگه‌هێ لالش ل دهۆكێ دا و ژلايێ سه‌رۆكێ بنگه‌هى ڤه پێشوازى لێ هاته كرن،دديداره‌كێ دا دگه‌ل شێخ شامۆ كونسلێ ئه‌مريكى گۆت:ئێزدياتى ئۆله‌كا كه‌ڤن و دێرين و ئاشتى خوازه و مێژوويا وێ پره ژ نه‌خۆشى و جينۆسايدا.
ل رێككه‌فتى(17/9/2015)كونسلێ گشتى يێ وه‌لاتێ ئه‌مريكا ل هه‌ولێرێ دگه‌ل شانده‌كى پێكهاتى ژ كونسليا ناڤبرى سه‌ره‌دانا ده‌سته‌يا بلندا بنگه‌هێ لالش ل دهۆكێ كرو ژلايێ سه‌رۆكێ بنگه‌هى ڤه پێشوازى لێ هاته كرن.
دديداره‌كێ دا كونسلێ ئه‌مريكى بۆ شێخ شامۆ گۆت:سوپاس بۆ روحيه‌تا كاركرنا ته و خه‌مخۆريا ته ژبۆ گه‌هاندنا ئازار و ره‌وشا كوردێن ئێزدى،هه‌روه‌سا من گه‌له‌ك پێزانين و راستى ژ فه‌لسه‌فا ئۆلا ئێزدياتيێ زانين ب رێيا وێ راپۆرتا ته به‌رى هه‌يامه‌كێ پێشكێشى من كرين و بۆ من ئاشكه‌را بوو ئێزدياتى ئۆله‌كا كه‌ڤن و دێرين و ئاشتى خوازه و مێژوويا وێ پره ژ نه‌خۆشى و جينۆسايدا.
