ئێزديخان نيوز:
ڤيان ده‌خيل،په‌رله‌مانتارا ئێزدى لسه‌ر ليستا هه‌ڤپه‌يمانيا كوردستانى راگه‌هاند،چه‌ند وه‌لاتێن ئه‌وروپى به‌رهه‌ڤيا خۆ دياركرينه بۆ پێشوازيكرنا رزگاربوويێن ئێزدى يێن ژ زيندانێن داعشێ هاتينه قورتالكرن.
نڤيسينگه‌ها په‌رله‌مانتار ڤيان ده‌خيل راگه‌هاند،دچه‌ند ديدارێن جودا جودا دا دگه‌ل هه‌ر ئێك ژ وه‌زيرێن ده‌رڤه‌يێن فه‌ره‌نسا و سويد و دانيمارك و ئيتاليا و ئێرله‌ندا،ده‌خيل داخوازكر پێشوازيێ ل رزگاربوويێن ئێزدى يێن ژ زيندانێن داعشێ هاتينه قورتالكرن بكه‌ن وپشته‌ڤانيا ده‌روونى و مرۆڤايه‌تى پێشكێشى وان بكه‌ت،ژبۆ پێگه‌هاندن و هاريكاريكرنا وان.
ده‌خيل ئاشكه‌راكريه ژى وه‌زيرێن ده‌رڤه‌يێن ڤان وه‌لاتان به‌رهه‌ڤيا خۆ دياركرن بۆ پێشكێشكرنا هه‌ر جۆره‌كى پشته‌ڤانيێ بۆ ژنێن رزگاربوويێن ئێزدى.
