ئه‌گه‌ر سال يا دژوار بت ره‌وشا ئاواره‌يان دێ تێك چت

ئێزديخان نيوز:

ل ناحيا باعه‌درێ چه‌ندين خێزانێن ئاواره‌يێن شنگالێ دكاڤل و خيڤه‌تان دا دژين،هنه‌كان ژى په‌نا بۆ چێكرنا خانيێت ئاخێ بريه‌ هه‌تا كو ژ سه‌رمايێ و بارانان بێنه‌ پاراستن، سه‌رپه‌رشتێ ڤان ئاواره‌يان ژى دبێژت ئه‌گه‌ر سال يا دژوار بتن دێ ره‌وشا وان تێك چت.

 حسێن حاجى،سه‌رپه‌رشتێ ئاواره‌يێن باعه‌درێ بۆ مالپه‌رێ ئێزديخان نيوز ئاشكه‌راكر،هنده‌ك خێزانێن ئاواره‌يێن شنگالێ خانيێت ئاخێ بخۆ چێكرينه‌،لێ هه‌كه‌ سال يا دژوار بتن دێ ره‌وشا وان تێك چت،هه‌م ديسان پێدڤيه‌ ل پێش وه‌خت گاز و نايلۆن لسه‌ر ئاواره‌يێن دكاڤل و خيڤه‌تان دان دژين بێته‌ به‌لاڤكرن.

ناڤبرى ئه‌و چه‌نده‌ ژى ئاشكه‌راكر، هه‌تا ڤێ گاڤێ ئاواره‌يێن باعه‌درێ ئه‌و هاريكاريێن مادى يێن لسه‌ر كه‌مپه‌ و ئاواره‌يێن ده‌ڤه‌رێن ديتر هاتينه‌ به‌لاڤكرن وه‌رنه‌گرتينه‌.