شێخ شامۆ:پێدڤيه‌ له‌ز بۆ ئازادكرنا ئێخسيرێن ئێزدى بێته‌ كرن

ئێزديخان نيوز:

ب هه‌لكه‌فتا بيره‌ووه‌رييا كاره‌ساتا شنگالێ،شێخ شامۆسه‌رۆكێ ده‌سته‌يا بلندا بنگه‌هێ لالش ل دهۆكێ راگه‌هاند،يا پێدڤيه‌ له‌ز دزگاركرنا ده‌ڤه‌رێن ئێزديان دا بێته‌ كرن يێن دده‌ستێ تيرۆرستێن داعش دا،دا خه‌لكێ وان ده‌ڤه‌ران بزڤرنه‌ سه‌ر وارێن خۆ ڤه‌.  

 دپه‌يڤه‌كێ دا،شێخ شامۆسه‌رۆكێ ده‌سته‌يا بلندا بنگه‌هێ لالش دوهى 3/8ل بيره‌وه‌رييا كاره‌ساتا شنگالێ ئه‌واب چالاكييه‌كا به‌رفره‌ ژلايێ بنگه‌هى ڤه‌ هاتيه‌ ساخكرن راگه‌هاند،يا پێدڤيه‌ له‌ز دزگاركرنا ده‌ڤه‌رێن ئێزديان دا بێته‌ كرن يێن دده‌ستێ تيرۆرستێن داعش دا،دا خه‌لكێ وان ده‌ڤه‌ران بزڤرنه‌ سه‌ر وارێن خۆ ڤه‌،هه‌ر ديسان له‌ز ژبۆ ئازادكرنا وان ئێخسيرێن ئێزدى ژى بێته‌ كرن.

 شێخ شامۆ دپه‌يڤا خۆ دا رۆناهى ئێخسته‌ سه‌ر وان تاوانێن تيرۆرستێن داعش ل دژى كوردێن ئێزدى ئه‌نجام داين و ژيانا ئاواره‌يان يا دڤان كاودانێن ب زه‌حمه‌ت دا دبۆرينن.