درێورسمێن جودايێن ساخكرنا كاره‌ساتا شنگالێ دا،كوردێن ئێزدى چه‌ند خۆپيشاندان ل پارێزگه‌ها دهۆكێ ئه‌نجام دان و داخواز ژ حكومه‌تا هه‌رێما كوردستانێ كرن كچ و ژنێن ئێزديان و شنگال بێنه ئازادكرن.
دوهى 3/8دسالڤه‌گه‌را بيره‌وه‌رييا كاره‌ساتا شنگالێ دا،كوردێن ئێزدى و ب تايبه‌تى ئاواره‌يێن شنگالێ ل ده‌ڤه‌رێن جودايێن ئێزديان ل پارێزگه‌ها دهۆكێ ب خۆپيشاندانان نه‌رازيبوونا خۆ ل هه‌مبه‌ر ب سه‌ر ڤه‌چۆنا ساله‌كێ ل سه‌ر داگيرگرنا شنگالێ دانه دياركرن.
دڤان خۆپيشاندانان دا،خۆپيشانده‌رێن ئێزدى دووپات ل دووخالێن سه‌ره‌كى كرن و داخواز ژ حكومه‌تا هه‌رێما كوردستانێ كرن كچ و ژنێن ئێزديان ئه‌وێن هه‌تا نهۆ دده‌ستێ دره‌نده‌ترين رێكخراوا تيرۆرستى دا ماين بێنه ئازادكرن و شنگال ژى بێته رزگاركرن.
