نێچيرڤان بارزانى:دێ شنگالێ زڤرينه‌ سه‌ر هه‌رێما كوردستانێ

ئێزديخان نيوز:

 درێورسمێن ڤه‌شارتنا روفاتێن 67كوردێن ئێزدى ل گۆرستانه‌كێ ل مه‌زارگه‌هێ شه‌رفه‌دين،سه‌رۆكێ حكومه‌تا هه‌رێما كوردستانێ راگه‌هاند،ب هه‌ر به‌هايه‌ك بت شنگال و ده‌ڤه‌رێن دى دێ رزگار كه‌ين.

مالپه‌رێ پارتى ديموكراتى كوردستان ئيرۆ رۆژا پێنجشه‌مبوويێ رێككه‌فتى 13/8/2015ێ به‌لاڤكر،كو درێورسمێن ڤه‌شارتنا روفاتێن 67كوردێن ئێزدى دا،نێچيرڤان بارزانى،سه‌رۆكێ حكومه‌تا هه‌رێما كوردستانێ راگه‌هاند، بۆسته‌كا ئاخا كوردستانێ هه‌ر ژ شنگالێ و هه‌تا ده‌ڤه‌رێن دى ل ده‌ستێ تيرۆرستان دا ناهێلين ودێ رزگار دكه‌ين. 

بارزانى جه‌خت ل هندێ كر ژى كو ب هه‌ر به‌هايه‌ك بت شنگال و ده‌ڤه‌رێن دى دێ رزگار كه‌ين و دێ ئاڤا كه‌ين و دێ زڤرينه‌ سه‌ر هه‌رێما كوردستانێ و ئێش و ئازاران ژبير ناكه‌ين و ل گه‌ل ده‌زگه‌هێن حكومى كار ژبۆ كێم و كاسيان دكه‌ين.

 سه‌رۆكێ حكومه‌تا هه‌رێمێ به‌لێن دا ژى كو هه‌تا كه‌سه‌كى ئێزدى دده‌ستێ تيرۆرستان دا مابت كار بۆ رزگاركرنا وان دێ كه‌ين.