ل بيره‌وه‌رييا كاره‌ساتا گرعزێر و سيبا شێخدرێ ئێزديان داخوازييه‌ك ژ هه‌رێمێ هه‌يه‌

ئێزديخان نيوز:

هه‌ڤده‌م دگه‌ل ساخكرنا بيره‌وه‌رييا كاره‌ساتا  گرعزێر و سيبا شێخدرێ ئه‌وا  ل 14/8/2007ێ  ل دژى خه‌لكێ شنگالێ هاتيه‌ ئه‌نجامدان،كو ب سه‌دان كوردێن ئێزدى هاتينه‌ كوشتن و برينداركرن،كه‌سايه‌تيه‌كى ئێزدى دبێژت ئه‌ڤ كاره‌ساته‌ دبته‌ فه‌رمانا 73ێ ب سه‌رێ ئێزديان هاتى و داخوازێ ژ حكومه‌تا هه‌رێمێ و جڤاكێ نێڤ ده‌وله‌تى دكه‌ين پشتگۆنه‌هاڤێژن.

سلێمان فانۆ،به‌رپرسێ بنگه‌هێ لالش ل سنوونێ و كه‌سايه‌تيه‌كى ئێزدييه‌ بۆ مالپه‌رێ ئێزديخان نيوز گۆت:فه‌رمانا  گرعزێر و سيبا شێخدرێ ئێك ژ وان فه‌رمانێن مه‌زنه‌ كو ب سه‌دان وه‌لاتيێن ئێزدى يێن بێ گونه‌ه بووينه‌ قوربانى و وژدانا جيهانێ هه‌ژاندى،كو ل سالێن بۆرى حكومه‌تا هه‌رێمێ گه‌له‌ك گرنگى پێ دايه‌.

 فانۆ ئاشكه‌راكرژى دگه‌ل نێزيكبوونا ساخكرنا ڤێ كاره‌ساتێ داخوازێ ژ حكومه‌تا هه‌رێمێ و جڤاكێ نێڤ ده‌وله‌تى دكه‌ين پشتگۆنه‌هاڤێژن و ئه‌ركێ خۆ ل هه‌مبه‌ر قوربانيان بكه‌ن و ڤێ كاره‌ساتێ ساخ بكه‌ن دا هه‌موو جيهان بزانت ل ديرۆكێ دا چ ب سه‌رێ ئێزديان هاتيه‌.