شێخ شامۆ،سه‌رۆكێ ده‌سته‌يا بلندا بنگه‌هێ لالش و ژماره‌يه‌كا ئه‌ندامين بنگه‌هى و به‌رپرسێ بنگه‌هێ لالش ل ئه‌لمانيا،دوهى 6/7 پێشوازى ل اكسل بلات نونه‌ر و رێڤه‌به‌رێ نڤيسينگه‌ها ئه‌ليونسكو ل عيراقێ و خالد خۆشناو به‌رپرسێ فێركرنێ ل رێكخراوا اليونسكو ل كوردستانێ كر.
به‌رپرسێ راگه‌هاندنا بنگه‌هێ لالش ل دهۆكێ(جه‌عفه‌ر سمۆ) راگه‌هاند، ل ده‌ستپێكا ديدارێ هه‌ردوو ئاليان به‌حسێ گرنگيا فێركرنێ ل كوردستانێ و گرنگى دان ب ڤى لاى ژبال رێكخراوا اليونسكوڤه يا گرێداى نه‌ته‌وه‌يێن ئێكگرتى ياپهروهردێ و زانستى و ره‌وشه‌نبيرى كر،هه‌روه‌سا اكسل بلات نونه‌ر و رێڤه‌به‌رێ نڤيسينگه‌ها ئه‌ليونسكو ل عيراقێ به‌حسێ بێ به‌هربوونا ئاواره‌يان ژ فێركرنێ ژبه‌ر ئاواره‌بوونێ كر،دووپاتكر كو سه‌ره‌دانا وى ژبۆناسينا وان ئاريشه‌يانه يێن ئێزدى دنالن.
هه‌روه‌سا ژبال خۆ ڤه شيخ شامۆ به‌حسێ رۆل و چالاكيێن بنگه‌هێ لالش هه‌ر ژ رۆژا دامه‌زراندنێ و هه‌تا ئيرۆ رۆژ كر و سوپاسيا حكومه‌تا هه‌رێما كوردستانێ كر ژ بۆ وێ پشته‌ڤانيا به‌رده‌وام بۆ بنگه‌هى و ب تايبه‌ت بۆ دۆسه‌يا ڤه‌گۆهاستنا قوتابيێن ئێزدى.
جه‌عفه‌ر سمۆ دياركر، شێخ شامۆ ژ ڤى شاندى خواست وه‌ك رێكخراوا يونسكو گرنگيێ ب فێركرنا قوتابيێن ئێزدى بده‌ت ب تايبه‌ت ئاواره‌يان ژ شنگالێ كو ب هه‌زاران قوتابى ئه‌ڤ ساله ژ خوندنێ و فێركرنێ بێ به‌هربووينه ژبه‌ر وێ كاره‌ساتا ب سه‌رێ وان هاتى.
سمۆ گۆتژى ژلايێ خۆڤه شێخ خه‌لات مراد،به‌رپرسێ بنگه‌هێ لالش ل ئه‌لمانيا به‌حسێ ره‌وشا ره‌ڤه‌ندا ئێزديان ل ئه‌لمانيا كر و دووپاتكر كو ژماره‌يا كۆچبه‌رێن ئێزدى ئه‌ڤ ساله زێده‌بوويه.
به‌رپرسێ راگه‌هاندنا بنگه‌هێ لالش خوياكر،كوهه‌ر دڤێ ديدارێ دا شه‌مۆ قاسم ئه‌ندامێ لژنا ره‌وشه‌نبيرى ل بنگه‌هێ لالش چه‌ند داخوازى ژ ڤى شاندى كرن ئه‌و ژى ڤه‌كرنا قوتابخانه‌يان ل كه‌مپان و ژده‌رڤه‌ى كه‌مپا،دا پاشه‌رۆژا ب هه‌زاره‌هان قوتابيێن ئێزدى ژ ده‌ست نه‌چت.
شێخ شامۆ،سه‌رۆكێ ده‌سته‌يا بلندا بنگه‌هێ لالش و ژماره‌يه‌كا ئه‌ندامين بنگه‌هى و به‌رپرسێ بنگه‌هێ لالش ل ئه‌لمانيا،دوهى 6/7 پێشوازى ل اكسل بلات نونه‌ر و رێڤه‌به‌رێ نڤيسينگه‌ها ئه‌ليونسكو ل عيراقێ و خالد خۆشناو به‌رپرسێ فێركرنێ ل رێكخراوا اليونسكو ل كوردستانێ كر. 
