ل سه‌ر ئاستێ كوردستانێ پرۆژه‌يه‌كى نمونه‌يى بۆ ئاواره‌يان ل خانكێ هاته‌ ئه‌نجام دان

ئێزديخان نيوز:

 ژبۆ باشكرنا بارێ ئابووريێ ئاواره‌يێن دخيڤه‌ت و كاڤلان دا دژين،بنگه‌هێ لالش تايێ خانكێ ب هه‌ڤكارى دگه‌ل رێكخراوا (icrc)يا نێڤ ده‌وله‌تى پرۆژه‌كى چاندنێ ڤه‌كريه‌ و هه‌تا نهۆ 1750گه‌نجێن ئاواره‌يێن شنگالێ ژ كچ و كوران داينه‌ كارى،كو دبته‌ ئێكه‌م پرۆژه‌يێ نمونه‌ى ب ڤى شێوه‌ى ل سه‌ر ئاستێ هه‌رێما كوردستانێ دئێته‌ ئه‌نجامدان.

 به‌رپرسێ بنگه‌هێ لالش تايێ خانكێ (عنتر كلۆ)تايبه‌ت بۆ مالپه‌رێ ئێزديخان نيوز گۆت:ئه‌و ئاواره‌يێن ره‌وشا وان يا ئابورى يا تێكچوى مه‌ داينه‌ كارى و ئه‌ڤ پرۆژه‌ يێ به‌رده‌وامه‌ و ل به‌ره‌ هێشتا مه‌زنتر بكه‌ين و مه‌ره‌م ژێ باشكرنا بارێ وان يێ ئابوورى يه‌ و ژ كه‌ش و هه‌وايێ خيڤه‌تان دوور كه‌ڤن و مفايه‌كى بخۆ ژێ ببينن.

هه‌روه‌سا كلۆ دياركر،هه‌تا ئيرۆ رۆژمه‌ 1750گه‌نجێن ئاواره‌يێن شنگالێ ژ كچ و كوران داينه‌ كارى و دێ ئاواره‌يان ژ هه‌موو گوندان ده‌ينه‌ كارى. 

 به‌رپرسێ بنگه‌هێ لالش ئاشكه‌راكرژى ئه‌ڤ پرۆژه‌ دبته‌ ئێكه‌م پرۆژه‌يێ نمونه‌ى ب ڤى شێوه‌ى ل سه‌ر ئاستێ هه‌رێما كوردستانێ بۆ ئاواره‌يان دئێته‌ ئه‌نجامدان.