ئێزديان پێتڤى ب سه‌رۆك بارزانى هه‌يه‌

ئێزديخان نيوز: جه‌عفه‌ر سمۆ

گاڤا ئه‌م باسى پۆستێ سه‌رۆكاتيا هه‌رێمێ دكه‌ين،مه‌به‌ست نه‌ئه‌وه‌ كو ئه‌م ب زمانه‌كى پارتايه‌تى دپه‌يڤين،لێ ئه‌ڤه‌ ده‌مه‌كه‌ چه‌ندين لايه‌نێن سياسى هه‌موو كێشێن كوردستانێ ب تايبه‌ت بارودۆخێ ئيرۆ كوردێن ئيزدى تێرا ده‌رباز دبن ژبيركرينه‌ و ه‌موو خه‌باتا وان تنێ بوويه‌ پرسا سه‌رۆكاتيا هه‌رێمێ.

ئه‌ڤێ چه‌ندێ وه‌كريه‌ كو كوردێن ئێزدى هنه‌كێ ژڤان لايه‌نا بێ ئۆمێد بن،چنكو پرانيا ئێزديان نهۆ دشينگرتينه‌ و چ مالێن ئێزديان  ل ده‌ڤه‌را شنگال نينن كچێن وان يان بووكێن وان دناڤا دره‌نده‌ترين رێكخراوا تيرۆرستى دا نه‌ين،باشتربوو دڤێ قۆناغێ دا ئه‌ڤ لايه‌ن پرسا ڤان گرتى و گۆرين ب كۆمێن ئێزديان ب ئازرينن و فشارێ ل سه‌ر جڤاكا نێڤ ده‌وله‌تى بكه‌ن بۆ هندێ ئه‌ڤا ب سه‌رێ ئێزديان هاتى وه‌كو جينۆسايد بده‌نه‌ ناسكرن.

ئه‌گه‌ر ئه‌م ئه‌وێ په‌قينا مه‌زن ئه‌وا ل گرعزێر و سيبا شێخدر ل سالا 2007وه‌كو فه‌رمان ب هه‌ژمێرن،تا نها دبنه‌ 74فه‌رمان ب سه‌رێ ئێزديان هاتين،كه‌ واته‌ نيڤا دوويێ ژچه‌رخێ بۆرى و ل گه‌ل سه‌رهه‌لدانا بابێ رۆحيێ نه‌ته‌وا كورد بارزانيێ نه‌مر،ژنووئێزديان هه‌ست ب هه‌بوونا خۆ كر كو ملله‌ته‌ك يێ هه‌ى خۆ ب خودانێ ئێزديان دزانت،ژبه‌ر هندێ هه‌ر زوو پرانيا ئێزديان به‌شدارى شۆره‌شێن كوردى بوون،و بارزانى بوو قورتالكه‌رێ ئێش و ئازارێن ئێزديان،ژهنگى ڤه‌ ئه‌ڤ مالبات بوويه‌ سه‌ده‌مه‌كا سه‌ره‌كى كو ئێزدى ل ڤى وه‌لاتى بمينن،ژبه‌ر هندێ ژى هه‌ر ل ده‌ستپێكا سه‌رهه‌لدانێ سه‌رۆك بارزانى دخرڤه‌بوونه‌كا جه‌ماوه‌رى يه‌ مه‌زن دا ئێزدى ب كوردێن ره‌سه‌ن ئينان زمان.

 نها ئاخفتنه‌ك به‌ربه‌لاڤ دناڤا جادا ئێزديان دا هه‌يه‌ كو تم دبێژن هندى مالا بارزان ل سه‌ر ده‌ستهه‌لاتێ بن مه‌ترسى ل سه‌ر ئێزديان نينه‌،وه‌لێ گاڤا ئه‌و ل سه‌ر كورسيكا ده‌ستهه‌لاتێ نه‌مان هنگى وێ ترسا ئێزديان مه‌زنتربه‌،چنكو بارزانى وه‌ركيه‌ پرانيا پيكهاتێن گه‌لێ كوردستانێ خۆ دبن سيبه‌را خه‌يڤه‌تا عه‌داله‌تا وى دا هه‌مبێز بكه‌ن.

 ئه‌ڤجا ئه‌ڤ راگه‌هاندنا بێ مه‌عنه‌ يا هنده‌ك لايه‌نێن سياسى ل سه‌رپرسا پۆستێ سه‌رۆكاتيا هه‌رێمێ گه‌له‌ك پيكهات ب ئێكجارى بێ ئۆمێد كرينه‌،و بتر ژ هه‌مووان ئێزدى دمه‌ترسيێ كرينه‌،ژئاليه‌ك دنڤه‌ هه‌ڤگه‌ر ڤان لايه‌نان به‌رژه‌وه‌ندييا ده‌ستكه‌فتێن كوردستانێ ڤيابا وێ ئه‌ڤ پرس پاشڤه‌ بربانه‌،چنكو سياسه‌تا سه‌رۆك بارزانى وه‌كر كو دونيا ل هانا كوردان هات،و هه‌گه‌ر سه‌رۆك بارزانى دڤێ قۆناغێ سياسه‌ته‌كا ژيرانه‌ ب كارنه‌ئينابه‌ وێ كوردستان جاردى هه‌رفتبا،و هه‌ر كه‌س ڤێ چه‌ندێ دزانت،گه‌ره‌كه گه‌لێ كوردستانێ قه‌بوول نه‌كه‌ت په‌رله‌مان موزايداتان ب ده‌نگێ وان بكه‌ن،لا په‌رله‌مان وى مافى ژ خه‌لكى نه‌ستينت،چنكو ه‌گه‌ر مه‌ره‌مێن خراب نينن،دياره‌ باوه‌رى ب خه‌لكێ كوردستانێ و ئه‌وێن ده‌نگێ خۆ داينێ نينه‌.

پێتڤى يه‌ رايه‌دارێن ئێزدى ژى دڤێ پرسێ دا بێ هه‌لويستن نه‌مينن هه‌ر سه‌ر ب چ لايه‌ن ڤه‌ بت،چنكو گاڤا ئێزدى دوپاتيێ ل مانا سه‌رۆك بارزانى دكه‌ن،مه‌ره‌م نه‌ ئه‌وه‌ وه‌كو سه‌رۆكێ پارتى ره‌فتارێ ل گه‌ل ڤى بابه‌تى دكه‌ن،به‌لكو ئه‌و درژن بۆ هندێ تنێ سه‌رۆك بارزانى يه‌ بكارت ڤێ ره‌وشا خراب وێران يا ئێزديان چاره‌ بكه‌.