التخطي إلى المحتوى الرئيسي
بحث هذه المدونة الإلكترونية
خێرى بۆزانى:هنده‌ك رێكخراو و ئاليێن سياسى ئاواره‌يێن ئێزدى ئستغلالكرينه
ئێزديخان نيوز:
 |
| خێرى بۆزانى |
رێڤه‌به‌رێ گشتيێ كاروبارێن ئێزديان ل هه‌رێما كوردستانێ راگه‌هاند،هنده‌ك دياردێن مه‌ترسيدار دناڤ كه‌مپێن ئاواره‌يێن ئێزدى دا په‌يدابووينه،ئه‌ڤجا ژ خووشك و برايێن خۆ يێن ئاواره دخوازين هشيارى خۆبن و نه‌ئێنه ئسغلالكرن ژلايێ هنده‌ك ئاليێن سياسى و رێكخراوان ڤه.
خێرى بۆزانى،رێڤه‌به‌رێ گشتيێ كاروبارێن ئێزديان ل وه‌زاره‌تا ئه‌وقافێ يا هه‌رێما كوردستانێ راگه‌هاند،كو ئێك ژ وان ديارده‌يێن دناڤ كه‌مپێن ئاواره‌يێن ئێزدى دا په‌يدابووين ئه‌وه چالاكيێن هنده‌ك رێكخراوێن مه‌سيحى يێن ته‌بشيرى به‌لاڤبووينه و ئستغلالا كاودانێن ئاواره‌يێن ئێزدى دكه‌ن،هه‌روه‌سا ديارده‌يا دى ژى ئه‌وه هنده‌ك ئاليێن سياسى چالاكى ئه‌نجام داينه و چه‌كى دده‌نه كچان،ديسان هنده‌ك كچ و كورژى نه‌ديارن.
خێرى بۆزانى گۆتيه ژى ل ڤێده‌رێ ئه‌م وه‌كو رێڤه‌به‌رييا گشتييا كاروبارێن ئێزديان ل وه‌زاره‌تا ئه‌وقافێ داخوازێ ژ ده‌سه‌لاتدارێن هه‌رێما كوردستانێ و كارگێريێن كه‌مپا و يێن حكومى و ده‌زگه‌هێن ئێمناهيێ يێ حكومى ئه‌وێن ب ره‌نگه‌كى راسته‌وخۆ سه‌ره‌ده‌ريێ دگه‌ل ئاواره‌يان دكه‌ن دكه‌ين، رۆلێ خۆ ببينن بۆ ڤان ديارده‌يێن مه‌ترسيدار.
بۆزانى دايه دياركرن ژى داخوازێ ژ خووشك و برايێن خۆ يێن ئاواره دكه‌ين هشيارى خۆبن، ژ وان رێكخراوا و ئاليێن سياسى ئه‌وێن ئێش و ئازارێن خه‌لكێ مه ل كه‌مپان ئستغلال دكه‌ن.
