كاروبارێن ئێزديان:كۆچكرنا ئێزديان يا ب مه‌ترسييه‌

ئێزديخان نيوز:دهۆك

رێڤه‌به‌رێ رێڤه‌به‌رييا كاروبارێن ئێزديان ل پارێزگه‌ها دهۆكێ بۆ ئێزديخان نيوز دياركر،مه‌ترسييا ڤالابوونا ئێزديان ل كوردستانێ هه‌يه‌،ئه‌و ژى رۆژانه‌ ژماره‌يه‌كا گه‌نجێن ئێزدى كۆچ دكه‌نه‌ ده‌رڤه‌ى وه‌لاتى،ئه‌گه‌ر ژىبۆ نه‌ئارامبوونا ره‌وشا ئێمناهيێ ل هنده‌ك ده‌ڤه‌رێن ئێزديان و نه‌بوونا ده‌ليڤێن كارى ب تايبه‌ت بۆ ته‌خا گه‌نجان.

 هادى دوبانى،رێڤه‌به‌رێ رێڤه‌به‌رييا كاروبارێن ئێزديان ل پارێزگه‌ها دهۆكێ گۆت:وه‌كى چاوا ئێزدى ل توركيا و سوريا نه‌ماينه‌ وه‌سا  ل كوردستانێ ژى ئه‌ڤ چه‌نده‌ يا په‌يدا دبت،چنكو رۆژانه‌ ژماره‌يه‌كا گه‌نجێن ئێزدى كوردستانێ بجهدهێلن و به‌ره‌ڤ ئه‌وروپا ڤه‌ دچن.

 دوبانى زێده‌تر گۆت:كۆچكرنا ئێزديان ژ كوردستانێ يا ب مه‌ترسى يه‌ و ئه‌ڤ چه‌نده‌ ژى ژبه‌ر نه‌ئارامبوونا ره‌وشا ئێمناهيێ ل هنده‌ك ده‌ڤه‌رێن ئێزديان و نه‌بوونا ده‌ليڤێن كارى ب تايبه‌ت بۆ ته‌خا گه‌نجان.