التخطي إلى المحتوى الرئيسي
بحث هذه المدونة الإلكترونية
مۆزه‌خانا لالش:كه‌ل و په‌لێن فلكلۆرێ ئێزديان به‌ره‌ڤ نه‌مانێ ڤه چۆينه
ئێزديخان نيوز:دهۆك
مۆزه‌خانا بنگه‌هێ لالش ل دهۆكێ بانگه‌وازييه‌كێ به‌لاڤ دكه‌ت و رادگه‌هينت كو ژبه‌ر ڤان كاودانێن نهۆ ده‌ڤه‌رێن كوردێن ئێزدى تێدا ده‌رباز دبن ونه‌گرنگى دان ب كه‌ل وپه‌لان،فلكلۆر و كه‌لتۆرێ ئێزديان به‌ره‌ڤ ژناڤبرنێ و نه‌مانێ ڤه چۆيه،داخواز دكه‌ن هه‌ركه‌سێ كه‌ل و په‌له‌كا ب چاندا ئێزديان ڤه گرێدايى هه‌بتن بلا بۆ مۆزه‌خانێ بشينت دا بتر بێته پاراستن.
رێڤه‌به‌رێ مۆزه‌خانا بنگه‌هێ لالش ل دهۆكێ(ئه‌ياد عجاج)تايبه‌ت بۆ ئێزديخان نيوز گۆت: ئيرۆ ده‌ڤه‌رێن كوردێن ئێزدى ل سه‌ر هێلا ئاگرى نه و پرانيا ده‌ڤه‌رێن مه هێشتا نه‌هاتينه ئازادكرن،ديسان تووشى تالان و وێرانكرنێ بووينه،كو گه‌له‌ك كه‌ل و په‌لێن كه‌لتۆرى يێن ئێزديان ل وان ده‌ڤه‌ران هه‌نه،لێ ژبه‌ر نه‌بوونا ئێمناهيێ و نه‌گرنگى دانێ زۆربه‌يا كه‌لتۆرێ ئێزديان به‌ره‌ڤ ژناڤبرنێ و نه‌مانێ ڤه چۆيه،له‌وا دا بتر ئه‌ڤ كه‌لتۆره بێته پاراستن داخواز دكه‌ين خه‌لك كه‌ل و په‌لێن فلكلۆرى يێن ب چاندا ئێزديان ڤه گريدايى بن بيننه مۆزه‌خانێ،چنكو هه‌ر تشتێ كه‌لتۆرێ ره‌سه‌نێ كوردێ و ب تايبه‌ت ئێزديان بكه‌ڤته دده‌ستێ تيرۆرستان دا دێ به‌ره‌ڤ ژناڤبرنێ ڤه چتن،مينا ئه‌و بوويه‌را ل مۆزه‌خانا مووسلێ روودايى و ژناڤبرنا كه‌ل و په‌لێن دێرينێن مێژوويا عيراقێ و رۆژهه‌لاتا ناڤين،له‌وا ئه‌م هيڤى دكه‌ين ژ خه‌لكێ ڤان ده‌ڤه‌ران هه‌ر كه‌ل و په‌له‌كا هه‌بتن بلا بشيننه مۆزه‌خانا لالش.
ئه‌يادى خوياكرژى هه‌ر ژ ده‌ستپێكا دامه‌زراندنا بنگه‌هێ لالش ئه‌ڤ مۆزه‌خانه هاتيه ڤه‌كرن و تايبه‌ته ب كه‌لتۆر و چاندا ره‌سه‌نا كوردايه‌تيێ وتايبه‌ت ئۆلا ئێزديان،كو هه‌موو كه‌ل و په‌لێن كه‌لتۆرى دڤێ مۆزه‌خانێ دا هاتينه پاراستن و دێ نيشا خه‌لكه‌كى بيانى ژى كه‌ين.
