كاره‌ساتا شنگالێ دپێشانگه‌هه‌كێ دا هاته‌ نمايشكرن

ئێزديخان نيوز:باعه‌درێ 

 لژێر چاڤدێرييا رێڤه‌به‌رێ ناحيا باعه‌درێ و ب ئاماده‌بوونا ژماره‌يه‌كا ره‌وشه‌نبير و مامۆستا و خه‌لكێ ده‌ڤه‌رێ،بنگه‌هێ لالش تايێ باعه‌درێ پێشانگه‌هه‌كا وێنێن فۆتۆگرافى ل سه‌ر كاره‌ساتا شنگالێ ل هۆلا مير خێرى به‌گ ڤه‌كر.

 ئه‌ڤ پێشانگه‌هه‌ بۆ رۆژنامه‌ڤان لقمان سلێمان هاته‌ ڤه‌كرن و تێدا چه‌ندين وێنێن فۆتۆ يێن خه‌لكێ شنگالێ،كو ده‌ربرين ژ ڤێ كاره‌ساتا ب سه‌رێ كوردێن ئێزدى هاتى دكر هاتنه‌ نيشاندان. 

ل دۆر ڤێ پێشانگه‌هێ رۆژنامه‌ڤان(لقمان سلێمان) ب مالپه‌رێ ئێزديخان نيوز راگه‌هاند،ل رۆژا پێنج شه‌مبوويا بۆرى بنگه‌هێ لالش تايێ باعه‌درێ ئه‌ڤ پێشانگه‌هه‌ بۆ من ڤه‌كر و مه‌ره‌م ژێ ئه‌وه‌ ئه‌ڤ كاره‌ساتا مه‌زنا ب سه‌رێ ئێزديان هاتى ب به‌لگه‌ و وێنه‌ بێته‌ ئه‌رشيفكرن،دا هه‌موو جيهان بزانت و ب چاڤێن خۆ ببينت،ژبه‌ركو به‌رى نهۆ ب ده‌هان فه‌رمان ب سه‌رێ ئێزديان هاتن به‌لگه‌ و  وێنه‌يێن پێدڤى نه‌بوون،به‌لێ ئيرۆ رۆژه‌ ئه‌ڤ ئه‌رشيفه‌ بۆسه‌دان سالان دێ مينت و ئێته‌ هه‌لگرتن.

سلێمان گۆتژى پشتى ماوه‌يه‌كى دى من ل به‌ره‌ ڤێ پێشانگه‌هێ ل وه‌لاتێن جۆرجيا و ئه‌رمينيا و توركيا ژى نمايش بكه‌م.