ب نيشاندانا چه‌ندين به‌لگه‌يان ل سه‌ر كوشتن و ئاواره‌كرنا كوردێن ئێزدى ل شنگالێ،دكۆنگرا به‌ره‌ڤانيكرن ژ مافێ مرۆڤ ،فلمێ فه‌رمانا ره‌ش ل ئه‌لمانيا هاته نمايشكرن.
ده‌رهێنه‌رێ فلمێ فه‌رمانا ره‌ش،نه‌وزاد شێخانى بۆ ئێزديخان نيوز دياركر،ئه‌ڤ فلمه به‌حسا تراژيديا خه‌لكێ شنگالێ دكه‌ت و وه‌ك تراژيديا هه‌ره مه‌زن دڤى چه‌رخى دا دئێته نياسين،ديسان ناڤه‌رۆكا فلمى هه‌موو ديكۆمێنتارييه و ژ په‌يامنێر و ئه‌رشيفێ ده‌زگه‌ه و ژ سه‌رێ چيايێ شنگالێ گه‌هشتيه.
شێخانى دووپاتكر ژى كو وى وه‌ك به‌لگه‌نامه ئه‌و فلم گه‌هانديه دادگه‌ها تاوانان،جڤاتا ئێمناهيا نێڤ ده‌وله‌تى و دادگه‌ها دادوه‌ريا نێڤ ده‌وله‌تى ل لاهاى.
