رێڤه‌به‌ريا كاروبارێن ئێزديان ل دهۆكێ داخوازا هاريكاريێن زێده‌تر بۆ ئاواره‌يان دكه‌ت

ئێزديخان نيوز:دهۆك

رێڤه‌به‌رێ رێڤه‌به‌ريا كاروبارێن ئێزديان ل دهۆكێ ژ رێكخراوێن مرۆڤى دخوازت زێده‌تر هاريكاريان بۆ ئاواره‌يان دابين بكه‌ن.

رێڤه‌به‌رێ رێڤه‌به‌ريا كاروبارێن ئێزديان ل پارێزگه‌ها دهۆكێ هادى دوبانى راگه‌هاند و گۆت:((دوهى 16/11رێڤه‌به‌ريا وان دگه‌ل رێكخراوا ivy يا هاريكاريێن مرۆڤى،هاريكارى ب سه‌ر186خێزانێن ئاواره ل كه‌مپا بێرسته‌كێ دا به‌لاڤكرن،كو ژ سۆپه‌ و جلكا و به‌ته‌نيا پێك هاتبوون)). 

دوبانى ئه‌و چه‌نده‌ دا دياركرن،رێكخراوا ناڤبرى ب هه‌ڤكارى دگه‌ل رێڤه‌به‌ريا مه‌ دێ ل سه‌ر هاريكاريكرنا ئاواره‌يان ل پارێزگه‌ها هه‌ولێرى ژى به‌رده‌وام بت.

هادى دوبانى راگه‌هاند ژى هه‌ر دوهى رێڤه‌به‌ريا كاروبارێن ئێزديان ل پارێزگه‌ها دهۆكێ ب هه‌ڤكارى دگه‌ل رێڤه‌به‌رييا ساخله‌مييا پارێزگه‌ها دهۆكێ ئه‌مبولانسه‌ك بۆ ئاواره‌يێن نهۆ ل په‌رستگه‌ها دئاكنجى دابينكرن،كو ئه‌ڤ ئه‌مبولانس دێ خزمه‌ته‌كا باشتر بۆ ئاواره‌يان كه‌ت.

رێڤه‌به‌رێ رێڤه‌به‌ريا كاروبارێن ئێزديان ل پارێزگه‌ها دهۆكێ گۆتژى نهۆ ئاواره‌ پێدڤى ب هاريكاريێن زێده‌ ترن و ب تايبه‌ت كه‌ل و په‌لێن زڤستانێ،داخوازێ ژى ژ رێكخراوێن مرۆڤى دكه‌ين زێده‌تر هاريكاريان بۆ ئاواره‌يان دابين بكه‌ن. 

ناڤبرى دياركرژى كو ئه‌ڤ رێكخراوه‌ دێ يا به‌رده‌وام بت ل سه‌ر هاريكاريێن خۆ.