ل كه‌ناله‌كى كوردى به‌رنامه‌يێ نووچه‌يێن ئێزديخانێ دێ ئێته‌ پێشكێشكرن

ئێزديخان نيوز:

به‌رنامه‌يه‌كى ئێزديان ب ناڤێ نووچه‌يێن ئێزديخانێ دێ ل سه‌ر كه‌نالێ زاگرۆس تيفى ئێته‌ پێشكێشكرن،دێ گرنگيێ ب هه‌موو ئێزديێن جيهانێ ده‌ت. 

پێشكێشكار و سه‌رپه‌رشتێ ڤى به‌رنامه‌ى،عزيز الشركانى ب ئێزديخان نيوز راگه‌هاند،دبت ل ڤێ هه‌فتيێ ده‌ست ب پێشكێشكرنا به‌رنامه‌يێ نووچه‌يێن ئێزديخانێ ل سه‌ر كه‌نالێ زاگرۆس تيفى بێته‌ كرن،كو نهۆ دێ وه‌كى گه‌شته‌كا نووچه‌يان بت و گرنگيێ ب ئێزديێن جيهانێ و هه‌ر پرسه‌كا ب ئێزدينا ڤه‌ گرێدايى بت ده‌ت.

ناڤبرى ئه‌و چه‌نده‌ ژى دياركر،رۆژانه‌ نووچه‌ و ره‌وش و هه‌ر تشته‌كى ب ئێزديان ڤه‌ گرێداى دێ ل ڤى به‌رنامه‌ى دا ئێنه‌ به‌حسكرن.