ره‌وشه‌نبيرێن ئێزديان ناما بۆ كۆنسلخانه‌يێن بيانى بهنێرن

ئێزديخان نيوز:ئه‌لمانيا

ب ديتنا ره‌وشه‌نبيره‌كێ ئێزدى ل وه‌لاتێ ئه‌لمانيا لڤلڤينێن  ره‌وشه‌نبير و كۆمه‌ل و بنگه‌هێن ئێزديان ب چالاكيێن ئاشتيخوازانا بۆ رايا گشتى و هنارتنا نامان بۆ كۆنسلخانێن بيانى و ده‌زگه‌هێن حكوميێن ئه‌لمانيا،ئه‌ڤ كاره‌ دێ بته‌ كاغه‌زه‌كا فشارێ ل سه‌ر حكومه‌تا عيراقێ.

 به‌رپرسێ به‌شێ ره‌وشه‌نبيرى يێ بنگه‌هێ لالش ل ئه‌لمانيا،دلشاد سمۆ بۆ ئێزديخان نيوز دياركر، ب ديتنا من ره‌وشه‌نبير و كۆمه‌ل و بنگه‌هێن ئێزديان هه‌ول بده‌ن بۆ رايا گشتى بلڤلڤينا ب چالاكيێن ئاشتيخوازانا و په‌يوه‌ندى و نامه‌ بۆ كۆنسلخانێن بيانى و ده‌زگه‌هێن حكومى ل وه‌لاتێ ئه‌لمانيا بهنێرن،داكو ئه‌ڤ كاره‌ ببته‌ وه‌كه‌ كاغه‌زه‌كا فشارێ ل سه‌ر حكومه‌تا عيراقێ،ژبۆ كو كاره‌كى ب جدى بكه‌ت  ل سه‌ر هه‌موو ئاستا و ئێك ژ وان ديڤچۆن ل سه‌ر وان كه‌سێن مارى كرين و فرۆتنا ژن و كچێن ئێزديان بكه‌ت.