نڤيسه‌ره‌ك:هه‌كه‌ ده‌زگه‌هێن راگه‌هاندنێ خه‌ما ئێزديان دخۆن بلا بچنه‌ چيايێ شنگالێ

ئێزديخان نيوز:

نڤيسه‌ره‌كى ئێزدى بانگه‌وازييه‌كێ ئاراسته‌ى جڤاتا رۆحانيا ئێزديان و رێڤه‌به‌ريا ئه‌وقافا ئێزديان و راگه‌هاندنا بنگه‌هێ لالش ل دهۆكێ دكه‌ت.

نڤيسه‌ر رێزان كچل بۆ ئێزديخان نيوز گۆت:پشتى وێ كاره‌سات و جينۆسايدا ب سه‌رێ ئێزديان ل شنگالێ هاتى،ژ هنگى و ڤرده‌ گه‌له‌ك راگه‌هاندن به‌حسێ وان چيرۆكێن  زولما تيرۆرستێن داعش ب سه‌رێ  ئێزديان كرين ب تايبه‌ت خوشك و دايكێن مه‌ يێن هێژا چ ب تله‌ڤزيۆنێ يان ل مالپه‌ران به‌حسێ وان دكه‌ن،تايبه‌ت ژى ل ڤێ داويێ هنده‌ك كه‌نالێن راگه‌هاندنێ و مالپه‌ران وێ به‌ره‌كى ره‌ش دهاڤێژنه‌ ناڤ ئاڤا پاقژده‌،ژبلى كو ئه‌ڤ نيشاندانه‌ كارتێكرنێن خۆ يێن نه‌رينى ل سه‌ر جڤاك هه‌نه‌ و ژ لايێ ئۆلى ڤه‌ ژى باشيێت خۆ نينن.

 رێزان كچل دخوازت ئه‌ڤ جيێن دياركرين ب نڤيسارێن فه‌رمى ئاگه‌هداريا وان ده‌زگه‌هێن راگه‌هاندنێ بكن،بلا بس چيرۆكێن مه‌ ڤه‌ گۆهێزن،دووپات دكه‌ت ژى هه‌كه‌ ده‌زگه‌هێن راگه‌هاندنێ خه‌ما ئێزديان دخون بلا بچنه‌ چيايێ شنگالێ بۆ ڤيديۆكرنا ره‌وشا ئێزديان و ڤه‌گۆهێزن و بكن ژێده‌ر نه‌ بۆ تله‌ڤزيۆنێ،لێ بۆ دانه‌نياسينا جينۆسايدكرنا ئێزديان.