التخطي إلى المحتوى الرئيسي
بحث هذه المدونة الإلكترونية
به‌رپرسێن ئه‌وروپى پشته‌ڤانيا داخوازيێن شاندێ ئێزديان كرن
ئێزديخان نيوز:
شانده‌كێ هه‌وا ژبۆ ئێزديێن پاشه‌رۆژێ،دوهى 6/11 كاره‌ك ل په‌رله‌مانێ ئه‌وروپى ئه‌نجام دا، ژبۆ هندێ كێشه‌يا ره‌ڤانديان بتر بێته ناساندن،ديسان ئێش و ئازارێن ئاواره‌يان به‌رچاڤ بێنه وه‌رگرتن.
كه‌سايه‌تيێ ئێزدى و ئێك ژ ئه‌ندامێن ڤى شاندى،ميرزا دنايى دداخويانيه‌كێ دا ب ئێزديخان نيوز راگه‌هاند، ئه‌ڤ شانده ژ چه‌ند كه‌سايه‌تيێن ئێزدى ژ چه‌ند ده‌ڤه‌رێن ئه‌لمانيا و سويد و عيراقێ،كو پێكهاتى بوو ژ(ميرزا دنايى،د.نغم نوزت،شيار شێخ ميرزا،جسم بسو،حجى شيخ كالو،خلف ِشێخ خدرى،انجيل على)،ب ئاماده‌بوونا ئه‌ندامێن په‌رله‌مانێ ئه‌وروپا و به‌رپرسێن وه‌زاره‌تا ده‌رڤه و لژنه‌يا ده‌رڤه و كۆمسيۆنا ئيكه‌تيا ئه‌وروپى و چه‌ند كه‌سايه‌تى و رێكخراوێن گرنگيێ ب مافێ ژنێ و مرۆڤان دده‌نو لژنه‌يا كاروبارێن عيراقى و په‌يوه‌نديێن په‌رله‌مانى،رۆنشتنه‌ك هاته سازان،كو ميشيل ريمون ئه‌ندامێ په‌رله‌مانێ ئه‌وروپى به‌رپرسێ دۆسه‌يا عيراقێ و سورى ب رێڤه بر.
دڤێ رونشتنێ دا شاندێ ئێزدى راپورته‌ك ل سه‌ر تاوانێن داعش و ره‌وشا ژنان و كچێن ره‌ڤاندى و تاوانێن كۆم كوژيێ ئه‌وێن ل دژى ئێزديان هاتينه ئه‌نجام دان پێشكێشكر،هه‌ر ديسان ئه‌ندامێن ڤى شاندى به‌حسێ ره‌شا ئاواره‌يان و يێن دورپێچكرى ل چيايى و ئاواره‌يێن ل كوردستانێ و سوريا و توركيا كر،شاندێ ئێزدى داخواز كر جڤاكێ نێڤ ده‌وله‌تى كار ژبۆ رزگاركرنا ره‌ڤانديان و ئێزديان بكه‌ت،ژلايێ خۆ ڤه به‌رپرسێن ئه‌وروپى دوپاتكر كو ئه‌و پشته‌ڤانيا ڤان داخوازيان دكه‌ن و رازيبوين كارێن پێكگه گرێداى بكه‌ين،ژپێخه‌مه‌ت خزمه‌تكرنا ئێزديان ب هه‌ر ئاوايه‌كى ياسايى بكه‌ين.
