ئێزديخان نيوز:دهۆك
رێڤه‌به‌رێ گشتيێ كاروبارێن ئێزديان ل هه‌رێمێ دياركر،كو ب فه‌رمى دێ خوه‌سته‌كا ئاواره‌يان ژلێبۆرينا دراڤێ كاره‌با نشتيمانى گه‌هينينه ئه‌نجومه‌نێ وه‌زيران دێ ب رژدى تێدا كار ئێته كرن،داكو هه‌موو ئاواره‌يێن خانيێن خه‌لكێ بێنه ئازاكرن ژ دانا دراڤێ كاره‌بێ،چنكو دانا كاره‌بێ هه‌يڤانه كاره‌بێ دبته بارگرانى ل سه‌ر ملێن ئاواره‌يان شيانێن هه‌موويا نينه ڤى دراڤى بده‌ت،له‌ورا دێ ب نڤيساره‌كا فه‌رمى داخوازێ ژ ئه‌نجومه‌نێ وه‌زيران كه‌ين برياره‌كێ بده‌ت بۆ لێبۆرينا هه‌موو ئاواره‌يان ژ دانا دراڤێ كاره‌بێ.
شانده‌كى كه‌ساتيێن ئێزديان پێكهاتى ژ خێرى بۆزانى رێڤه‌به‌رێ گشتيێ كاروبارێن ئێزديان و داسن فاروق به‌ك ژ بنه‌مالا ميرێن ئێزديان و هادى دوبانى و حسێن قائيدى و خه‌ليل بۆزانى،داخوازى ژ رێڤه‌به‌رێ گشتيێ كاره‌با پارێزگه‌ها دهۆكێ كرن هه‌موو ئاواره‌يێن خانيێن خه‌لكێ دا بێنه لێبۆرين ژ دراڤێ هه‌يڤانه يێ كاره‌با نشتيمانى.
رێڤه‌به‌رێ گشتيێ كاروبارێن ئێزديان ل هه‌رێمێ دياركر،كو ب فه‌رمى دێ خوه‌سته‌كا ئاواره‌يان ژلێبۆرينا دراڤێ كاره‌با نشتيمانى گه‌هينينه ئه‌نجومه‌نێ وه‌زيران دێ ب رژدى تێدا كار ئێته كرن،داكو هه‌موو ئاواره‌يێن خانيێن خه‌لكێ بێنه ئازاكرن ژ دانا دراڤێ كاره‌بێ،چنكو دانا كاره‌بێ هه‌يڤانه كاره‌بێ دبته بارگرانى ل سه‌ر ملێن ئاواره‌يان شيانێن هه‌موويا نينه ڤى دراڤى بده‌ت،له‌ورا دێ ب نڤيساره‌كا فه‌رمى داخوازێ ژ ئه‌نجومه‌نێ وه‌زيران كه‌ين برياره‌كێ بده‌ت بۆ لێبرينا هه‌موو ئاواره‌يان ژ دانا دراڤێ كاره‌بێ.
داسن فاروق به‌گ ژ بنه‌مالا ميرێن ئێزديان دياركر،كو گه‌له‌ك ئاواره‌يێن خانيێن خه‌لكێ دا گازنده‌يان ژ دانا دراڤێ هه‌يڤانه يێ كاره‌با نشتيمانى دكه‌ن،مه ب فه‌ر ديت خوه‌سته‌كێن ئاواره‌يان بگه‌هينه رێڤه‌به‌رێ گشتيێ كاره‌بێ،داكو برياره‌ك بێته دان بۆ لێبۆرينا ئاواره‌يان ژدانا ڤى دراڤێ هه‌يڤتنه يێ كاره‌بێ دێ به‌رده‌وام بن بۆ خزمه‌تكرنا ئاواره‌يان بۆ بجه‌ئينانا هه‌موو خوه‌سته‌كێن وان.
رێڤه‌به‌رێ گشتيێ كاره‌با پارێزگه‌ها دهۆكێ كه‌مال مه‌حه‌مه‌د دياركر،يا دشيان دا بت بۆ خزمه‌تكرنا ئاواره‌يان يا دئێته كرن،لێ بريارا لێ بۆرينێ ژ نه‌دانا دراڤێ هه‌يڤانه يێ كاره‌بێ ده‌ستهه‌لاتا مه دا نينه،ئه‌م ژى دێ ڤى بابه‌تى دا هه‌ڤكار بين دگه‌ل شاندێ ئێزديان هه‌ر برياره‌كا ژ ئه‌نجومه‌نێ وزيران بێت دێ بجه ئينين.
