دوهى دوو گه‌نجێن ئاواره‌يێن كوردێن ئێزدى ل رۆباره‌كى گونده‌كى سه‌ر ب قه‌زا كوێ ڤه خه‌ندقين و گيانێ خۆ ژ ده‌ست دان.
رێڤه‌به‌رێ بنگه‌هێ شارستانيا كوێ،عه‌ميد محمه‌د سه‌عيد قادر بۆ ئه‌ڤرۆ نيوز دا دياركرن،كو ل سبه‌يكا دوهى 17/11،دوو گه‌نجێن كوردێن ئێزدى يێن خه‌لكێ قه‌زا شنگالێ ئاواره‌ى گوندێ بوگد بووينه سه‌ر ب قه‌زا كوێ ڤه دكه‌ڤنه دئاڤا رووبارێ گوندى دا و دخه‌ندقن و گيانێ خۆ ژ ده‌ست دان.
ل دۆر ڤێ چه‌ندێ ژى ناڤبرى دياركر،ئه‌و گه‌نجێن خه‌ندقين ئێك ژ وان كه‌فت بوو دروبارى دا و يێ مه‌زنتر ل دووڤ را دچۆ داكو وى رزگار بكه‌ت ئه‌و ژى دكه‌فته تێدا و دخه‌ندقت،پاشى بابێ وان ژى دهاوارێ دچت ئه‌و ژى دكه‌فته تێدا و كه‌سه‌كى نێزيك ل دوو ده‌نگێ بابێ وان دچت و داڤ ئاڤێ دا قوورتال دكه‌ت.
