ڤیان دەخیل:هەول د دەین ئەو گرتيێن بۆ ده‌رڤه‌ى عێراقێ هاتينه‌ ڤه‌گوهاستن ڤه‌گه‌رينين

ڤیان دەخیل:هەول د دەین ئەو گرتيێن بۆ ده‌رڤه‌ى عێراقێ هاتينه‌ ڤه‌گوهاستن ڤه‌گه‌رينين

بەغداد-KDP.info- 
(ڤیان دەخیل)، ئەندامی کوردی ئێزدی لە پەرلەمانی عێراق ڕایگەیاند، هەوڵ دەدەن ئەو کچ و ژنانەی چەکدارانی داعش بردوویانن بۆ دەرەوە، بیانگەڕێننەوە.
(ڤیان دەخیل)، بە ماڵپەڕی فەرمیی پارتی دیموکراتی کوردستانی گوت: ''ئێمە لە هەوڵ و بزاڤداین ئەو ڕفێنراوانە بگەڕێنینەوە نێو کەسوکارەکانیان. بۆ ئەو مەبەستەش لە گەل (ئیبراهیم جەعفەری)، وەزیری دەرەوەی عێراق کۆ بووینەوە و ئەم پرسەمان لەگەڵ ئەوان تاوتوێ کرد، بۆ ئەوەی ئەو ڕفێنراوانەوەی کە چەکدارانی داعش گواستوویاننەتەوە بۆ دەرەوە، بگەڕێنینەوە، چونکە بە پێی زانیارییەکانمان، هەندێک لە ڕفێنراوانی کوردانی ئێزدی براونەتە دەرەوە.''
لە (٣-٨-٢٠١٤)دا داعش دەستی بە سەر شنگالدا گرت و بە هەزاران کچ و ژنیان ڕفاند و کردیاننە کوێلە و کڕین و فرۆشتنیان پێ دەکردن و کۆمەڵکوژییان بەسەر ئێزدییاندا هێنا. لە (١٣ی تشرینی دووەمی ٢٠١٥)دا بە سەرپەرشتیی (سەرۆک بارزانی)، سەرۆکی هەرێمی کوردستان و فەرماندەی گشتیی هێزی پێشمەرگە شنگال لەدەست چەکدارانی داعش ڕزگار کرا.
(حسێن قائیدی)، بەرپرسی نووسینگەی ڕفێنراوانی کوردانی ئێزدی لە پارێزگای دهۆک دەڵێت: ''ئێستا زیاتر لە ٣٠٧٠ کەس لە دەستی داعش ڕزگار بوونە و زیاتر لە ٣٣٠٠ کەسیش لە دەستی داعشدا ماون. جگە لە نووسینگەی ڕفێنراوانی کوردانی ئێزدی، کە سەر بە نووسینگەی سەرۆکی حکومەتی هەرێمی کوردستان، (نیچیرڤان بارزانی)یە، هیچ کەس و لایەنێکی دیکە بۆ ڕزگارکردنی ئەو ڕفێنراوانە هاوکاریی کوردانی ئێزدیی نەکردووە.''
(ڤیان دەخیل) گوتیشی: ''دەبێ ئەو داعشانەی عێراقین، بە پێی یاساکانی عێراق دادگایی بکرێن و ئەوانەیشی خەڵکی دەرەوی عێراقن، بە پێی یاساکانی وڵاتەکانیان دادگایی بکرێن و پێویستە کچەکانمان بە سەربەرزی بگەڕێنەوە ناو کەسوکارەکانیان و هەر شتێکیشیان پێوست بێت، بۆیان بکرێت.''
شنگال دەکەوێتە ٨٠ کیلۆمەتریی ڕۆژئاوای پارێزگای مووسڵ و دانیشتوانەکەی زیاتر کوردانی ئێزدین و بەشێکیشیان تورکمان و عەرەبن. بە گوێرەی سەرژمێریی ساڵی ٢٠٠٤ ژمارەی دانیشتوانی شنگال ٨٤ هەزار کەسە.
پێشتر (حسێن قاسم حەسوون)، گۆتەبێژی باڵای دۆسییەی بەجینۆسایدناساندنی شنگال، بە ماڵپەڕی فەرمیی پارتی دیموکراتی کوردستانی ڕایگەیاندبوو: ''ئێستا هەوڵەکان بەردەوامن بۆ بەجینۆسایدناساندنی کەیسی شنگال، کەچی عێراق ئەندام نییە لە داداگای تاوانی نێودەوڵەتیدا و ئەمەش بووەتە کێشە بۆ ئەوەی کەیسەکە دابخرێت و حکوومەتی عێراق هاوکاریی ئەم کەیسەی نەکردووە.''

المزيد من المعلومات
              بۆ پەنابەرێن ئێزدی ل ئەلمانیا ئاگەهداری ڤان كاران بن

بۆ پەنابەرێن ئێزدی ل ئەلمانیا ئاگەهداری ڤان كاران بن

ئێزدیخان نیوز:
پەنابەرێن ئێزدی ل چەند دەڤەرێن وەلاتێ‌ ئەلمانیا تووشی ئاریشەیان بووینە،دهەمان دەم دا دڤیا مالێن ئێزدیان رۆلێ‌ خۆ ببینن و پشتەڤان بن.

عیدۆ سەبری شنگالی،هۆزانڤانەكێ‌ ئێزدی یە ل ئەلمانیا ئاكنجیە بۆ مالپەرێ‌(ئێزدیخان نیوز)راگەهاند:"زۆرینەیا ئاریشێن پەنابەرێن مە یێن ئێزدی ل ئەلمانیا،ئەون ئەڤێن زارۆكێن خۆ شاندینە ئەلمانیا و پشتی مافێ‌ پەنابەریێ‌ دستینن ل پتریا دەڤەران تنێ‌ ل سەر داخوازكرنا دەیك و بابان چێ‌ دبت و زارۆكێن وان یێن دی دمینن ل عێراقێ‌  و ئەڤە بۆ وان ب زەحمەت كەفتیە و ئاریشا هەرە مەزن ژ ئێزدیان را ئەڤەیە".

شنگالی ئاماژە ب وێ‌ چەندێ‌ ژی كر:گەلەك ژ پەنابەران ل دەستپێكا دادگەهێن خۆ پارێزەران بۆ خۆ ناگرن لێ‌ پشتی پەنابەریێ‌ وەردگرن یان كێشەیەك هەبت هنگێ‌ دەست ب گرتنا وان دكەن و ئەگەر ژ دەستپێكێ‌ پارێزەران بگرن و ئەو ل سەر كارێن وان بپرست دێ‌ باشتر كارێن وان ب ریڤە چن ،ئاریشا دی بۆ ڤێ‌ چەندێ‌ یا مادی یە سەر ب سۆسیالێ‌ چاڤدێریا جڤاكی ڤە،كو نكارن پارێزەرێن باش بگرن كو باشتر كارێن وان ب رێڤەببەن.

گۆتژی دڤی وەختی دا مالێن ئێزدیا رۆلێ‌ خۆ دیتبا  و كتابێن فەرمی چێكربان بۆ ڤان كەسان ،كو ژیانا وان دمەترسیێ‌ دایە و پشتەڤانیێ‌ بۆ چێكەن.

المزيد من المعلومات
  حسێن قائیدی: ٣٠٧١ هاولاتیێن ئێزدی هاتنە رزگارکرن و ٣٣٠٠ کەس د دەستێ داعشێ ماینە

حسێن قائیدی: ٣٠٧١ هاولاتیێن ئێزدی هاتنە رزگارکرن و ٣٣٠٠ کەس د دەستێ داعشێ ماینە

ئين ئارتى
بەرپرسێ نڤیسینگەها رزگارکرنا رەڤاندیێن ئێزدی ژدەستێ داعشێ ئاشکرا کر کو هەیا نها  ٣٠٧١ هاولاتیێن ئێزدی ژ دەستێ داعشێ هاتینە رزگارکرن و نێزیکی ٣٣٠٠ کەسێن دی د دەستێ داعشێ دا ماینە. ئاماژە ب وێ ئێکێ ژی کر پشتی کۆنترۆلکرنا موسلێ چەند تیم هاتینە پێکئانین ژبۆ رزگاکرنا کچ و ژن و زارۆکێن ئێزدی ل وی باژێری کو داعش رەڤاندبوون.
 حسێن قائیدی بەرپرسێ نڤیسینگەها  رزگارکرنا رەڤاندیێن ئێزدی ژ دەستێ داعشێ ل دهۆکێ ئەڤرۆ پێنجشەمبیێ ٢٠ تەموزێ ژبۆ ئێن ئاڕ تی  راگەهاند "ل دەسپێکا کارەساتا شنگالێ و هەیا نها  (شەش هزار و  چار سەد و حەڤدە) وەلاتیێن ئێزدی کەتنە دەستێ تیرۆریستێن داعشێ ، ئەم وەکە نڤیسینگەها رزگارکرنا کەسێن رەڤاندی هەر ل مەها  تشرینا ئێکەما  سالا ٢٠١٤ێ مە دەست ب رزگارکرنا وان کەسان کریە  و  ل دەسپێکا کارێن مە و هەیا نها (سێ هزار و حەفتێ و ئێک) وەلاتیێن ئێزدی ژدەستێ داعشێ هاتینە رزگارکرن".
ئاشکرا ژی کر ،" لگۆری وان ئامارێن کو د دەستێ  مە دانە هەیا نها نێزیکی (سێ هزار و سێ سەد) کەس د دەستێ چەکدارێن داعشێ ماینە و هەول و بزاڤێن نڤیسنگەها مە بەردەوام دبن ژبۆ رزگارکرنا وانا".
حسێن قائیدی ئاماژە ب وێ ئێکێ ژی  کر ژوان کەسێن هاتینە رزگارکرن  پتر ژ (هزار و نۆت) کەس ئافرەتن و  پتر  ژ (هزار و هەشت) کەس زارۆکێن ب هەردوو رەگەزان نێر و مێ.
ناڤهاتی ئاشکرا ژی  کو ل چەند رۆژێن داهاتی ژی هژمارەکا دی یا وەلاتێن ئێزدی ژ دەستێ چەکدارێن داعشێ رزگار دکەن و دێ ب کەسوکارێن خوە شاد بن.
سەبارەتی چەوانیا رزگارکرنا وان کەسێن رەڤاندی و هەماهەنگیێ دگەل کی  دکەن، حسێن قائیدی گوت  "ل دەستپێکا کارێن  خوە  مە شیایە تۆرەکێ بۆ خوە دروست بکەین کو بەشەکێ وێ تورێ ل هەرێما کوردستانێ یە و  بەشەکێ دی ل وان دەڤەرانن کو د دەستێ چەکدارێن داعشێ دانە، ئەم و ئەف تۆرە ب هەڤرە گرێداینە و هەماهەنگیێ دگەل دامودەزگەهێن ئەمنیێن حکومەتا هەرێمێ دکەین ژبۆ رزگارکرنا وان کەسان".
قائیدی راگەهاند ژی "کارێ مە ب ڤێ رەنگی بەردەوام بوو هەیا دەستپێکرنا ئۆپراسیۆنا موسلێ، و ل دەمێ دەسپێکرنا وی ئۆپراسیۆنێ مە کارێ خوە گوهارت و ل ڤان رۆژێن رابهوری مە پێنج  تیم پێکئانین کو ژ  پێنج بۆ شەش کەسان پێکهاتیە و ئارمانجا سەرەکیا وان تیمان گەرانە بدیڤ وان کچ و ژن و زارۆکێن کو دناڤ مالان دا هەنە ل باژێرێ موسلێ یان ل کەمپان دانە".
گوت ژی "کارێن مە ل ولاتێ سوریا ژی بەردەوامن ، لێ نها کارێ سەرەکیێ مە  ل باژێرێ موسلێ یە، چونکی هژمارەکا زۆرا وان کچ و و ژن و زارۆکان دناڤا مال و کەمپان دانە ل موسلێ".
چەکدارێن داعش ل ٣٠ێ ئابا ٢٠١٤ێ هێرشکرنە سەر شنگال و کونترۆلکرن. د هێرشا چەکدارێن داعش بۆ سەر شنگالێ زێدەتر ژ ٥ هەزار وەلاتیێن ئێزدی هاتن کوشتن و زێدەتر ژ ٦ هەزار وەلاتیێن ئێزدی ژی هاتنە رەڤاندن کو پرانیا وان ژن و زارۆک بوون.
د هێرشا چەکدارێن داعش بۆ سەر شنگالێ بوویە ئەگەرێ ئاوارەبوونا زێدەتر ژ ٤٠٠ هەزار ئێزدیان بۆ باژێرێن هەرێما کوردستانێ و رۆژئاڤا.
رێکەتی ١٣ێ تشرینا دووەما ٢٠١٥ێ هێزێن پێشمەرگە  و یەپەگێ  و ب پشتەڤانیا فرۆکێن هەڤپەیامانان، باژێرێ شنگالێ  کۆنترولکرن.
قەزایا شنگالێ سەر ب پارێزگەها نەینەوا و ١٤٠ کیلۆمەتران ژ باژێرێ موسلێ دویرە.
ز.ح

المزيد من المعلومات
ماستەرپلان بۆ ئاڤەدانكرنا شنگالێ و ڤه‌گەريانا خەلكێ بۆ باژێرى هاتيه‌ ئاماده‌كرن

ماستەرپلان بۆ ئاڤەدانكرنا شنگالێ و ڤه‌گەريانا خەلكێ بۆ باژێرى هاتيه‌ ئاماده‌كرن

K24 - هه‌ولێر:
ئه‌مڕۆ له‌ كۆنگره‌یه‌كی رۆژنامه‌وانیدا، مەحما خەلیل، قیامقامی شنگال، جەختی كردەوە كە ئەنجامدانی ریفراندۆم ئاوەدانكردنەوەی شەنگالە و خزمەتێكی گەورە بە شارەكە دەكات".
قایمقامی شنگال، داوای لە خەڵكی شارەكە كرد پشتگیری لە پرۆسەكه‌ بكه‌ن و گووتی "ماستەرپلانێك بۆ ئاوەدانكردنەوەی شنگال و گەراندەنه‌وەی خەڵكی بۆ شارەكە ئامادە كراوە.
مەحما خەلیل داوای لە حكومەتی ھەرێمی كوردستان كرد ھاوكاری زیاتری خەڵكی شنگال بكات، بۆ ئەوەی بگەرێنەوە شارەكە و ئاوەدانی بەدیبێت.

المزيد من المعلومات
ل برۆكسلێ بارزانی نه‌خشه‌یێ ده‌وله‌تا كوردستانێ نیشا به‌رپرسێن ئه‌ورۆپا دا

ل برۆكسلێ بارزانی نه‌خشه‌یێ ده‌وله‌تا كوردستانێ نیشا به‌رپرسێن ئه‌ورۆپا دا

WAAR-دهۆك:
د چارچووڤێ سه‌ره‌دانا كۆمیتا كارێن رێفراندۆمێ یا برۆكسلێ دا، سه‌رۆكێ هه‌رێما كوردستانێ، نه‌خشه‌یێ ده‌وله‌تا كوردستانێ و سنۆرێن وێ نیشا جێگرێ سه‌رۆكوه‌زیری و به‌رپرسێن بلندێن به‌لجیكا د ده‌ت.

ل گۆری وێنه‌یه‌كی كو د ناڤا سوسیال میدیایێ دا به‌لاڤبوویه‌، دیاردبیت مه‌سعوود بارزانی سه‌رۆكێ هه‌رێما كوردستانێ، د چارچووڤێ كۆمبوونا دگه‌ل جێگرێ سه‌رۆكوه‌زیرێن به‌لجیكا دا، نه‌خشه‌یێ ده‌وله‌تا كوردستانێ و سنۆرێن وێ و ده‌ڤه‌رێن نوو رزگاركری نیشان د ده‌ت و دیاردبیت بارزانی وێنه‌یی بۆ به‌رپرسێن به‌لجیكا شرۆڤه‌دكه‌ت و ده‌ڤه‌رێن دكه‌ڤنه‌ دناڤا سنۆرێن ده‌وله‌تا كوردستانێ دا، نیشان دده‌ت.

ئه‌ڤه‌ د ده‌مه‌كی دایه‌ بارزانی ل ده‌ستپێكا ڤێ مه‌هێ، ب سه‌رۆكایه‌تییا كۆمیتا كارێن ئه‌مریكا و ئه‌ورۆپا یا كارێن رێفراندومێ گه‌هشتبوو به‌لجیكا و پشتی كۆمبوونا دگه‌ل به‌رپرسێن بلندێن وی وه‌لاتنی، بارزانی راگه‌هاندبوو؛ به‌لجیكا پشته‌ڤانا مافێن گه‌لێ كورده‌ و دێ چاڤدێران بۆ رێفراندوما هه‌رێمێ هنێریت.

المزيد من المعلومات
تيرۆرستێن داعش گرتيێن ئێزدی بۆ باژێرێن عانا و راوا ل رومادی ڤەگوهاستن

تيرۆرستێن داعش گرتيێن ئێزدی بۆ باژێرێن عانا و راوا ل رومادی ڤەگوهاستن

باسنيوز:
نوونەرێ‌ كوردێن ئێزدی ل جڤاتا پارێزگەها مووسل، دیاركر كو تیرۆرستێن داعش گەلەك رەڤاندیێن ئێزدی بۆ باژێرێن عانا و راوا ل پارێزگەها رومادی ڤەگوهاستن.
 
ئەم داخوازێ دكەین ئوپەراسیۆنێن لەشكەری یێن تایبەت بۆ رزگاركرنا رەڤاندیان بهێنە كرن.
 
بەرەكات شەمۆ، نوونەرێ‌ كوردێن ئێزدی ل جڤاتا پارێزگەها مووسل، بۆ (باسنیوز) دیاركر: "تیرۆرستێن داعش گەلەك كچ و ژن وزارۆكێن رەڤاندی یێن ئێزدی بۆ باژێرێن عانا وراوا ل پارێزگەها رومادی ڤەگوهاستن، ل مووسل نەهێلان هەموو بۆ پارێزگەهێن دی‌ یێن بن كۆنترۆلا تیرۆرستێن داعشدا یێن هاتینە ڤەگوهاستن چارەنڤیسێ وان دیارنینە. ئەم هوسا‌ پێشبینی دكەین گەلەك ژ رەڤاندیێن ئێزدی هاتبنە كوشتن ژلایێ‌ تیرۆرستانڤە".

المزيد من المعلومات
گەنجەكێ‌ ئێزدی كوژمەكێ‌ دراڤی و چەند تشتێن دی رادەستی پۆلیسێن ئەلمانیا دكەت

گەنجەكێ‌ ئێزدی كوژمەكێ‌ دراڤی و چەند تشتێن دی رادەستی پۆلیسێن ئەلمانیا دكەت

ئێزدیخان نیوز:
چەند چالاكڤانێن ئێزدی دتۆرا جڤاكی یا فەیسبۆكێ‌ دا راگەهاندیە كو گەنجێ‌ ئێزدی" مێڤان قادر مندو خەتاری"،كیسەكێ‌ رەش دیتیە و تێدا 2000یورو دگەل چەند تشتێن دیتر هەبووینە،رادەستی پۆلیسان كرینە و پاشی گەهشتینە خودانی كو ژنەكا ئەلمانیا بوویە. 

المزيد من المعلومات
ھەر کەسەکێ گرتيه‌كا ئێزدی ئاشکرا بکەت دێ ملیۆن دیناران وەرگرت

ھەر کەسەکێ گرتيه‌كا ئێزدی ئاشکرا بکەت دێ ملیۆن دیناران وەرگرت

ئه‌ڤرۆ نیوز:
نوونەرێ کوردێن ئێزدی ل جڤاتا پارێزگەھا نەینەوا دیار کر کو ژ نوکە وێڤە ھەر کەسەکێ ھەڤکاریا وان بکەت بۆ رزگارکرنا رەڤاندیێن کوردێن ئێزدی دێ ملیۆن دیناران وەکو پاداشت وەرگریت.
سەیدۆ چەتۆ، نوونەرێ کوردێن ئێزدی ل جڤاتا پارێزگەھا نەینەوا بۆ ئەڤرۆ ئاشکرا کر، ھەر کەسەکێ ھەڤکاریا وان بکەت و پێزانینان ل سەر جھێن مانا رەڤاندیێن کوردێن ئێزدی دێ بدەتێ، ملیۆن دینار وەکو پاداشت دێ پێ ھێنەدان و ناڤ و نھێنین وی ژی ھەموو دێ ھێنە پاراستن و گۆت: “جڤاتا پارێزگەھا نەینەوا بڕیارا دای ھەر خێزانەکا مووسلێ رەڤاندیەکا ئێزدی د ناڤ دا بیت، ھەکە د دەمێ 10 رۆژان دا رادەستی جڤاتێ یان پۆلیسان یان نڤیسینگەھا رەڤاندیێن کوردێن ئێزدی نەکەت دێ ئەو خێزان بەرامبەر دادگەھێ بەرپرسیار بیت و پێرابوون ژی دێ ل گەل ھێنە کرن”.
سەیدۆ چەتۆ ئاماژە ب وێ چەندێ ژی کر، پشتی ئەو 10 رۆژە ب دووماھی دھێن، پۆلیسێن مووسلێ دێ دەست ب پشکنینی کەن و ئەو خێزانێن رەڤاندیێن ئێزدی د ناڤ مالێن خوە دا ڤەشارتین و ئاشکرا نەکرین دێ پیرابوونێن قانوونی ل گەل ھێنە کرن و گۆت: “ھەتا نوکە جڤاتا پارێزگەھا نەینەوا شیایە 10 کچ و زارۆکێن ئێزدی ژ مووسلێ رزگار بکەت و رادەستی نڤیسینگەھا رزگارکرنا رەڤاندیێن ئێزدی ل دھۆکێ بکەت”.
نوونەرێ کوردێن ئێزدی ل جڤاتا پارێزگەھا نەینەوا ئاشکرا ژی کر کو گەلەک خێزانێن مووسلێ ھەڤکاریا وان ناکەن بۆ ئاشکراکرنا وان مالێن رەڤاندیێن ئێزدی تێدا و گۆت: “گەلەک ژ خەلکێ مووسلێ پێزانین یێن ھەین کو د ناڤ گەلەک مالێن مووسلێ دا رەڤاندیێن ئێزدی یێن ھەین و ئەم یێ بزاڤان بۆ رزگارکرنا وان دکەین”.

المزيد من المعلومات
خاتێ شنگالی: دوو هەزار کچێن ئێزدی دڤێت ببنە پێشمەرگە

خاتێ شنگالی: دوو هەزار کچێن ئێزدی دڤێت ببنە پێشمەرگە

شنگال-KDP.info-
 بەرپرسی هێزی کچانی ئێزدی لە فەرماندەیی پێشمەرگەی شنگال دەڵێت، ٢ هەزار کچی ئێزدی لە سنووری قەزای شنگال ئامادەن ببن بە پیشمەرگە و بەرگری لە خاکی خۆیان بکەن.
لە (٣ی ئابی ٢٠١٤)ـەرە داعش دەستی بەسەر شنگالدا گرت و پاشان لە دوو قۆناغدا ڕزگار کرا، قۆناغی یەکەم ڕگارکردنی باکووری شنگال بوو، قۆناغی دووەمیش بە سەرپەرشتیی (سەرۆک بارزانی) قەزای شنگال ڕزگار کرا و توانرا لە چەکدارانی داعش پاک بکرێتەوە. .
بەرپرسی هێزی کچانی ئێزدی لە فەرماندەییی پێشمەرگەی شنگال، (خاتێ شنگالی)، بە ماڵپەڕی فەرمیی پارتی دیموکراتی کوردستانی گوت: ''ڕۆژانە کچانی ئێزدی پەیوەندی بە فەرماندەکەمانەوە دەکەن، بۆ ئەوەی ببن بە پیشمەرگە و، هەر جێیەکی هەبێت، کە بە ئێمەی ڕاسپێرێن بۆ بەرگریکردن و پاکردنەوە، هەر لە شنگالەوە تا خانەقین، ئێمە ئامادەین بەرگریی لێ بکەین و ئێستاش ٢ هەزار کچی ئێزدی دەیانەوێت ببن بە پێشمەرگە.''
پێشتریش (سەرۆک بارزانی) لە کۆنگرەیەکی ڕۆژنامەوانیدا ڕایگەیاند: ''پێویستە هەموو تاکی ئێزدی سەربڵند بێت و سەرفەراز بێت، کوردانی ڕەسەنن، پێوستە هەموو کچێکی ئێزدی بە دەنگێکی بەرزەوە بڵێت، من کچم، کچی کوردانم.''
هەر لەو بارەیشەوە (خاتێ) دەڵێ: ''هەموو کچانی ئێزدی خۆیان سەربڵند دەبینن و ئێمەش ناوەکانمان ڕەوانەی جێگای پەیوەندیدار کردوون و چاوەڕوانی ڕەزامەندیین بۆ ئەوەی ئەوانیش شانبەشانی پیشمەرگەکانی دیکە پارێزگاری لە ناوچەکانیان بکەن.''
کاتێک داعش دەستی بەسەر شنگالدا گرت، ژمارەیەکی زۆری ئێزدییان ڕفێنران و گواسترانەوە بۆ جێگای ژێر دەسەڵاتی داعش، بەڵام کچ و کوڕانی ئێزدی شانبەشانی پێشمەرگە بەرگرییان لە چیای شنگال و مەزارگەکانیان کرد و نەیانهێشت جێگاکانیان بکەوەنە دەستی داعش.
بەرپرسی هێزی کچانی ئێزدی لە فەرماندەیی پێشمەرگەی شنگال ئاماژەیشی دا: ''سەرباری هەموو ئەم ناخۆشییەی کە بەسەر کچانی ئێزدیدا هاتووە، کچانی ئێزدی تا ئێستا لە بەرگریدان و ئێستا بەشیک لە کچە پێشمەرگەکان ناوچەی سنوونێ دەپارێزن.''


المزيد من المعلومات
كچا رووسيا ل  مووسلێ هاتيه‌ ديتن كچه‌كا ئێزدییه‌

كچا رووسيا ل مووسلێ هاتيه‌ ديتن كچه‌كا ئێزدییه‌

K24 - هه‌ولێر:
دوای ئه‌وه‌ی به‌شێك له‌ میدیا عێراقییه‌كان وێنه‌ی كچێكییان بڵاوكرده‌وه‌، گوای ئه‌و ژنه‌ "قه‌ناس به‌ده‌ستێكی داعشه‌" و رووسییه و له‌ مووسڵ ده‌ستگیركراوه‌‌، به‌ڵام ئه‌و كچه‌ ئێزدییه‌ و خه‌ڵكی گوندی حه‌ردانی سه‌ر به‌ شنگاله‌.

به‌ گوێره‌ی زانیارییه‌كان، ئه‌و كچه‌ ناوی "نچال خالد كورو"یه‌ و خه‌ڵكی گوندی حه‌ردانه‌، له‌ 2014ه‌وه‌ له‌لایه‌ن تیرۆریستانی داعشه‌وه‌ ده‌ستگیركراوه‌.

له‌ سه‌ره‌تا وا بڵاوكرایه‌وه‌، گوایه‌ ئه‌و كچه‌ داعشه‌ و رووسییه‌، به‌هۆی ئه‌وه‌ی له‌ بارێكی ده‌روونی ناجێگیر دابووه‌ و نه‌یتوانیوه‌ قسه‌ بكات، به‌ڵام دوای ئه‌وه‌ی قسه‌ی كردووه‌، ئاشكرا بووه‌ كچه‌كه‌ كوردێكی ئێزدییه‌ و دوو مانگ زیاتره‌ له‌ یه‌كێك له‌ ژێرزه‌مینه‌كانی مووسڵ زیندانیكراوه‌، بۆیه‌ نه‌یتوانیوه‌ قسه‌ بكات.

دوای بڵاوكردنه‌وه‌ی وێنه‌ی ئه‌و كچه‌ كورده‌ ئێزدییه‌، كه‌سوكاره‌كه‌ی ده‌یناسنه‌وه‌ و ناسنامه‌كه‌ی ئاشكرا ده‌كه‌ن، ئێستا كه‌سوكاره‌كه‌ی له‌ په‌یوه‌ندیدان بۆ ئه‌وه‌ی بگه‌نه‌ ناوچه‌كه‌ و كچه‌كه‌یان ببه‌نه‌وه‌ لای ‌خۆیان.

المزيد من المعلومات