ڕه‌زامه‌ندى ل سه‌ر ڤه‌كرنا زانكۆيا شنگال هاته دان
ئێزديخان نيوز:
ئه‌ندامه‌كێ په‌رله‌مانێ عێراقێ ژ فراكسیۆنا پارتى دیموكراتى كوردستان دیاركر، ده‌مێ هه‌لبژارتنێن په‌رله‌مانێ عێراقێ مه سۆز دابوو خه‌لكێ شنگالێ بۆ ڤه‌كرنا زانكۆیا شنگال، نوكه مه سۆزا خۆ بجهئینا و مه شیا رازیبوونێ ل سه‌ر ڤه‌كرنا زانكۆیا شنگال وه‌ربگرین ".
مه‌حما خه‌لیل، ئه‌ندامێ په‌رله‌مانێ عێراقێ بۆ (باسنیوز) راگه‌هاند، نوكه جهه‌ك هاتیه ده‌ست نیشانكرن ل سه‌ر رووبه‌رێ پتر ژ هزار دونه‌مێن ئه‌ردى دێ زانكۆیا شنگال هێته ئاڤاكرن ئه‌ڤ پرۆژه دێ گه‌له‌ك نێزیك هێته بجهئینان و كه‌فته دخزمه‌تا خه‌لكێ شنگالێ دا، به‌رێ بنیاتى بۆ پرۆژه‌یێ ئاڤاكرنا زانكۆیا شنگال هێته دانان ئه‌ڤه‌ژی ئه‌و سۆز بوویه کۆ ل ده‌مێ هه‌لبژارتنێن په‌رله‌مانێ عێراقێ مه دایه خه‌لكێ شنگال نوكه مه سوزا خۆ بجهئینا".
ئاشكرا كر، زانكۆیا شنگال دێ یا پێكهاتى بیت ژ كۆلێژا په‌رستارى و كۆلیژا په‌روه‌ردێ و كۆلێژا چاندنێ د پلانێ دا کۆ ئه‌ڤ زانكۆیە بهێته به‌رفره‌هكرن و ببیته ئێك ژ مه‌زنترین زانكۆیێن عێراقێ".
تعليقات