سه‌نته‌ره‌كێ نوو يێ ڕه‌وشه‌نبيرى و جڤاكى يێ ئێزديان هاته‌ دامه‌زراندن

 سه‌نته‌ره‌كێ نوو يێ ڕه‌وشه‌نبيرى و جڤاكى يێ ئێزديان هاته‌ دامه‌زراندن
راگەهاندنا / ناڤەندا ( مەند ) یا چاندی و جڤاکی 

جهێ ناڤەندێ : Baumheide 35, 33609 Bielefeld 
ژ پێخەمەت پتر بکارن خزمەتا چاند و جڤاکا خوەیا ئێزدی بکەن  و مل بملێ مال و کۆمەلێن ئێزدیان ل ئەلمانیا، لڤێ رۆژا پیرۆز کو جەژنا سەرسالا ئاینی یا ئێزدیانە ( چارشەما سەرێ نیسانێ ) ئەم وەک کۆمەکا چالاکڤان و رەوشەنبیر و کەساتیێن جڤاکی،  ناڤەندا ( مەند ) یا چاندی و جڤاکی ل باژارێ بیلێفیلد رادگەهینن . 

هەر بڤێ هەلکەفتا پیرۆز ئەم لسەر ناڤێ تەڤایا ئەندام و لایەنگەرێ ناڤەندێ جەژنا  هەمی ئێزدیان ل وەلات و دیاسپۆرا پیرۆز  دەکەن و هیڤیا سالا خێر و خوەشیێ بە ژبۆ ملەتێ مە. 
ئەڤ ناڤەندا ( مەند ) کەسانێن خودان سەربۆر دوارێ ئێزدیاتیێ و جڤاکناسیێ و چاندی دا بخوەڤە دگرە و هەر وەها کۆمەکا نفشێ تازەگەهشتی ل دەرڤەی وەلات مەزن بووی، و بهزر و بیرێن سەردەمیانا دگەل کلتۆر و پیرۆزیا لالشا نورانی  ل کوردستانێ ئاخا وەلاتێ باب و کالان بەردەوامیا ژیانا خوە بکەن دگەل پاراستنا هەمی پیرۆزیێن ئاینی و نشتیمانی و رێزگرتن ل یاسایێن وەلاتێ ئەلمانیا .
پاراستنا کلتۆر و پیرۆزیێن ئاینی و نشتیمانی، خزمەتکرنا تەخا گەنج و قوتابی و ئافرەت ، ڤەکرنا خۆلێن بابەتێ ئێزدیاتیێ و زمانێ دایکێ ، کارکرن دگەل مال و کۆمەلێن ئێزدیان ژبۆ خزمەتکرنا جڤاکا مە ل ئەورۆپا ژ ئارمانجێن سەرەکی یێن ناڤەندا( مەند) ن .
دگەل ڤێ راگەهاندنێ هەمی ئاندام و کەساتی و هەڤال دۆستێن ناڤەندا مەند ئاگەهدار دکەن کو لدەمەکی نێزیک دا رێ و رسمێن ڤەکرنا ناڤەندا ( مەند) ب ئاوەکی لایق و بەرفرهرتر وێ بێنە بەرهەڤکرن.
پشتی چەندین رونشتن و دان و ستاندنان و هەر وەها گیانێ هەڤ قەبوول کرنێ لسەر بنیاتێ سەربۆر و شیانان، لژنا رێڤەبەر هاتە دەست نیشان کرن  و بڤی شێوەیێ لخوارێ: 
سەرپەرشتێ گشتی : کۆڤان گێنجۆ داود 
سەرۆکێ ناڤەندێ: هەژار مدیر داود 
جێگرێن سەرۆکێ ناڤەندێ : 1 - چیایی عەڤدی 2- سەعدی خدر 
ل. رەوشەنبیری و راگەهاندن ( دلخۆش سینۆ، زیاد عەڤدۆ) 
ل. کۆمەلایەتی : ( دخیل داود ، فارۆق طیو ، حسێن شەمۆ )
ل. ئیدارا و دارایی ( رێکان حسون، جهور دومان ) 
ل . وەرزش و لاوان : ( سەلام حکمەت ، سیدار باسم )
ل.  ئافرەتان : ( زەینەت خدر ، نازدار عەطۆ ، بێریڤان گێنجۆ ) 
لژنا رێڤەبەرا 
ناڤەندا مەند یا چاندی و جڤاکی 
بیلیفیلد رێکەفتی
17.04.2024
————