92 % خه‌لكێ شنگالێ دناڤ 15 كه‌مپێن ئاواران دا دژين
92 % خه‌لكێ شنگالێ دناڤ 15 كه‌مپێن ئاواران دا دژين
باسنيوز:
رێڤه‌به‌رێ كۆچ و كۆچبه‌ر و به‌رسڤدانا قه‌یرانان ل پارێزگه‌ها دهۆكێ دیاركر، ل سنورێ پارێزگه‌ها دهۆكێ و ئیدارا زاخۆ 20 كه‌مپێن ئاواره و په‌نابه‌ران هه‌نه ژ وانا ژى 15 كه‌مپ یێن ئاوارێن شنگالێنە و 5 كه‌مپ ژى یێن په‌نابه‌رێن رۆژئاڤایێ كوردستانێنه 60 هزار خێزانێن ئاواره و په‌نابه‌ران ماینه و نه‌شیایه ڤه‌گه‌رنه سه‌ر جهێن خۆ.
پیر ده‌یان، رێڤه‌به‌رێ كۆچ و كۆچبه‌ر و به‌رسڤدانا قه‌یرانان ل پارێزگه‌ها دهۆكێ بۆ (باسنیوز) راگه‌هاند، هه‌تا نوكه 92% خه‌لكێ شنگالێ دناڤ كه‌مپێن ئاواراندا ل سنورێ پارێزگه‌ها دهۆكێ ماینه و هیشتا 25 هزار و 600 هزار خێزان دناڤ كه‌مپاندا دژین و 37 هزار و 700 خێزان ژ ده‌رڤه‌ى كه‌مپان دژین هه‌مى دبنه 60 هزار خێزان کۆ هیشتا نه‌شیاینه ڤه‌گه‌رنه سه‌ر مال و جهێن خۆ، سه‌رجه‌مێ ئاواریێن ل سنورێ دهۆكێ 92% خه‌لكێ شنگالێنه و هیشتا نه‌شیاینه ڤه‌گه‌رن.
ئاشكرا كر، ئاوارێن شنگالێ چاڤه‌رێ جێبەجێکرنا ریكکه‌فتنا شنگالێ دكه‌ن، سالا 2020ێ رێککه‌فتنه‌ك دناڤبه‌را حكومه‌تا عێراقێ و هه‌رێما كوردستانێ هاتبوو ئێمزاكرن، هه‌تا نوكه حكومه‌تا عێراقى پێگیری نه‌كریه و ئەو رێكکه‌فتن نه‌کەفتە وارێ بجهئینانێدا، ئه‌م هه‌مى ئاسانكاریان دكه‌ین بۆ وان خێزانێن ئاواره یێن کۆحه‌ز دكه‌ن ڤه‌گه‌رنه شنگالێ لێ ژبه‌ر خرابیا ره‌وشا شنگالێ نه‌شێن ڤه‌گه‌رن.
تعليقات