ڕێڤه‌به‌رێ كۆچ وكۆچبه‌ران:تا نۆكه زێده‌ترى 313هه‌زار ئاواره‌يێن شنگالێ ل كه‌مپان و ژ ده‌رڤه‌ى كه‌مپان دژين
ڕێڤه‌به‌رێ كۆچ وكۆچبه‌ران:تا نۆكه زێده‌ترى 313هه‌زار ئاواره‌يێن شنگالێ ل كه‌مپان و ژ ده‌رڤه‌ى كه‌مپان دژين
باسنيوز:
رێڤه‌به‌رێ كۆچ وكۆچبه‌ر و به‌رسڤدانا قه‌یرانان ل پارێزگه‌ها دهۆكێ دیاركر، ئه‌ڤرۆ 6/11/2023ێ پتر ژ 85 خێزانێن ئاوارێن شنگالێ ڤه‌گه‌ریانه سه ر مال و حالێن خۆ ل شنگالێ".
پیر ده‌یان، رێڤه‌به‌رێ كۆچ وكۆچبه‌ر و به‌رسڤدانا قه‌یرانان ل پارێزگه‌ها دهۆكێ بۆ (باسنیوز) دیاركر ڤه‌گه‌ریانا ئاواران بۆ شنگالێ یا به‌رده‌وامه ل بەرامبەرژی هنده‌ك ژ ئاواران ده‌مێ دچنه شنگالێ دووباره ژ شنگالێ ئاواره‌یێ هه‌رێما كوردستانێ دبن و ئاواره ژی بۆ ڤه‌گه‌ریانا شنگالێ د ئازادن هه‌ر ئاواره‌كێ بڤیت دشێت داخوازیا خۆ بۆ زڤرینا شنگالێ پێشكیش بكه‌ت".
ئاشكرا كر، هه‌تا نوكه پتر ژ 313 هزار ئاواران ل ناڤ 16 كه‌مپان ماینه هنده‌ك ژى ژ ده‌رڤه‌ى كه‌مپان دژین و هاریكاریێن رێكخراوان بۆ ئاواران گه‌له‌ك كێمبووینه ئه‌م داخوازى دكه‌ین کۆ پشته‌ڤانیا ئاواران بهێته كرن".
خه‌لیل، ئێكه ژ ئاوارێن شنگالێ و ڤه‌گه‌ریایه سه‌ر جهێ خۆ بۆ (باسنیوز) دیاركر، حكومه‌تا هه‌رێما كوردستانێ و خه‌لكێ كوردستانێ گه‌له‌ك هاریكاریا ئاواران كریە ئه‌م سوپاسیا حكومه‌تا هه‌رێما كوردستانێ دكه‌ین، نوكه ژى ئه‌م ڤه‌گه‌ریاینه شنگالێ داخوازى دكه‌ین هه‌ڤكاریا مه بهێته كرن".
عومه‌ر عه‌لى ، ئاواره‌كێ دى یێ شنگالێ یه ئه‌ڤرۆ زڤریه سه‌ر مالا خۆ ل شنگالێ بۆ (باسنیوز) دیاركر، ئەوا کۆ حكومه‌تا هه‌رێما كوردستانێ و خه‌لكێ كوردستانێ دگه‌ل ئاواران كرى چوو جاران ناهێته ژبیركرن،لەورا ئه‌م سوپاسدارێ هه‌می خه‌لكێ كوردستانێ نه و سوپاسیا حكومه‌تا كوردستانێ دكه‌ین هه‌تا نوكه ژى هه‌ڤكاریا مه دكه‌ن ئه‌ڤه نه‌هـ سالن ئه‌م ل که‌مپا شاریا دژین هیچ ئاریشه‌ك نه‌بوویه نوكه ژی ده‌م هات بزڤرینه شنگالێ".
تعليقات