ل سەر بابەتێ دیپۆرتکرنا ئێزدیان پەرلەمانتارەکێ ئەلمانی زانیاریان ددەت
گاڤ 
ئەندامەکێ بەرێ یێ پەرلەمانێ ئەلمانیا ل دۆر بابەتێ دیپۆرتکرنا ئێزدیان زانیاریان ددەتە گاڤ و دبێژیت، ئەڤ بریارە بۆ هەمی پەنابەران هاتیەدان.
گیاسەددین سایان، ئەندامێ بەرێ یێ پەرلەمانێ ئەلمانیا بۆ گاڤ گۆت: ئەڤ بریارە پشتی کۆمبوونا وەزیرێن دەرڤە یێن ئێکەتیا ئەورۆپا ل برۆکسلێ هاتیە دان و ئەڤ بریارە بۆ هەمی ئەورۆپایە، نەک بتنێ بۆ ئەلمانیا.
هەروەسا دیارکر کو ئەڤ بریارە بتنێ بۆ ئێزدیان نەهاتیە دان، لێ ژبەر زێدەبوونا ژمارا پەنابەرێن لیبیا، ئۆکراینا، سووریا، ئەفغانستان، ئەفریقیا و ئیراقێ بۆ ئەورۆپا، بریار ب گشتی هاتیە دان.
گیاسەددین سایان ئاشکرا ژی کر، ئەلمانیا بەری هەمی وەلاتێن دی یێن ئەورۆپا ئەڤ بریارە بجهئینا و سێ مەرج بۆ پرسا پەنابەران داناینە.
1- نابیت چ کەس ب رێکێن نەیاسایی بچنە ناڤ ئاخا وەلاتێن ئەورۆپی.
2- ئەو پەنابەرێن دچنە وەلاتێن ئەورۆپی پێدڤیە کاربکەن و پێگری یاسایێ ببن.
3- نابیت پەنابەر کێشەیان بۆ خەلکێ وەلاتێن ئەورۆپی چێبکەن و زۆریێ لێ بکەن.
ئەندامێ بەری یێ پەرلەمانێ ئەلمانیا دیار ژی کر، هاتنا ژمارەکا زێدە یا پەنابەران بۆ ئەلمانیا کێشەیێن مەزن چێکرینە و پرانیا زانا، پرۆفیسۆر و دکتۆرێن ئەلمانیا چووینە ئەمریکا.
تعليقات