سه‌رۆك بارزانی:دڤێت خویشك و برایێن ئێزدى ل شنگالێ دوور ژ گڤاشتن و ئاسته‌نگان بشێن بڕیارا چاره‌نڤیسێ خۆ بده‌ن

سه‌رۆك بارزانی:دڤێت خویشك و برایێن ئێزدى ل شنگالێ دوور ژ گڤاشتن و ئاسته‌نگان بشێن بڕیارا چاره‌نڤیسێ خۆ بده‌ن
K24 - هەولێر:

به‌بۆنه‌ی جه‌ژنی جه‌مایێ ئێزدییه‌كان، سه‌رۆك بارزانی په‌یامێكی پیرۆزبایی بڵاوكرده‌وه‌، تێیدا هاتووه‌: جه‌خت له‌ به‌هێزكردنی كولتووری پێكه‌وه‌ ژیانی نێوان ته‌واوی پێكهاته‌كانی گه‌لی كوردستان ده‌كه‌م.

ده‌قی پەیامی سەرۆك بارزانی به‌بۆنه‌ی جه‌ژنی جه‌مایێ ئێزدییه‌كان:
بناڤێ خودێ مەزن و دلۆڤان
بهەلكەفتا هاتنا جەژنا (جەمایێ) یا خویشک و برایێن ئێزدی، پیرۆزباهیێن گەرم ل میرێ ئێزدیان و بابا شێخ وجڤاتا ڕۆحانیێ ئایینێ ئێزدی و هەمی خویشک و برایێن ئێزدی یێن كوردستانێ و  جیهانێ دكەم.

ل ڤێرێ داكۆكیێ ل سەر هندێ دكەین، دڤێت خویشک و برایێن ئێزدی بتایبەت ل دەڤەرا شنگال بشێن برینێن خۆ سارێژبكەن و ب ئازادی و دیر ل هەمی جۆرێن گوشار و ئاستەنگا بڕیارێ ل سەر چارەنڤیسێ خۆ بدەن .

هەر ب ڤێ هەلكەفتێ تەكەزێ ل بهێزكرنا كولتورا پێگڤەژیانێ دناڤبەرا ھەمی پێکھاتێن ئولی و نەتەوەیێن کوردستانێ دكەم و هیڤیدارم خویشك و برایێن مە یێن ئێزدی جەژن و هەلكەفتێن خۆ ب ئارامی و دلخۆشی بكەن .

جەژنا هەوە پیرۆز و بمینن بخێرو خۆشی

مسعود بارزانی
6ـی تشرینا ئێكێ 2023