بێهنه‌كا نه‌خۆش ناحيا خانكێ ڤه‌گرتيه‌

 بێهنه‌كا نه‌خۆش ناحيا خانكێ ڤه‌گرتيه‌
ئێزديخان نيوز:

ماوێ چه‌ند ڕۆژانه وه‌لاتيێن ‌ناحيا خانكێ ژبه‌ر بێهنه‌كا نه‌خۆش دنالن و كارتێكرن ل سه‌ر ژينگه‌ها ده‌ڤه‌رێ كريه‌.

ل ناڤا ناحيا خانكێ چه‌ند جيێن ب خودانكرنا ته‌رش و ته‌والى هه‌نه‌ و جۆتيار به‌رمايكێن كێلگه‌هێن په‌له‌وه‌ران بۆ ته‌رش وته‌والێ خۆ بكاردئينن.

ئيڤان حه‌جى،ڕۆژنامه‌ڤانه‌كێ ناحيا خانكێ يه‌ بۆ(ئێزديخان نيوز)دبێژت:ئه‌ڤ ماوێ چه‌ند ڕۆژانه‌ بێهنه‌كا نه‌خۆش بسه‌ر گوندێن واندا ل ناڤا ناحيێ دا دئێت،و وه‌لاتى ژبه‌ر ڤێ بێهنا نه‌خۆش بێزاربووينه‌.

ئاشكه‌راكر:هنده‌ك جۆتيار ل ناڤا خانكێ دا ته‌رش و ته‌والى ب خودان دكه‌ن و به‌رمايكێن كێلگه‌هێن په‌له‌وه‌ران بۆ ب خودانكرنا ته‌رش و ته‌والى بكاردئينن،به‌ريا نۆكه‌ جيێن په‌يوه‌نديدار ل سه‌ر ڤێ كێشى هاتينه‌ ئاگه‌هداركرن و هه‌تا ڕاده‌كى ئه‌و كێشه‌ هاته‌ چاره‌سه‌ركرن.

دياركر ژى ئه‌ڤ كێشا بێهنا نه‌خۆش دووباره بوويه‌ ڤه‌ و ڕه‌نگه‌ دبت ئه‌ڤ بێهنا نه‌خۆش يا كێلگه‌هێن په‌له‌وه‌ران  بخۆ ژى بت ل لايێ دى يێ ئاڤێ،چنكو ده‌ما هه‌وا دئێت ئێكسه‌ر ئه‌ڤ بێهنا نه‌خۆش ژى دگه‌ل دا بسه‌ر خانكێ دا دئێتن،هيڤيدارين ب زووترين ده‌م چاره‌يه‌ك بۆ ڤێ چه‌ندێ بێته‌ ديتن،كو كارتێكرن ل ساخله‌مى و ژينگه‌ها ده‌ڤه‌رێ كريه‌.