نوونه‌رێ ئێزديان:هه‌لويستێ ئاين و مه‌زهه‌بێن جيهانێ هه‌مبه‌رى ئێزديان ئيجابى بوو

 نوونه‌رێ ئێزديان:هه‌لويستێ ئاين و مه‌زهه‌بێن جيهانێ هه‌مبه‌رى ئێزديان ئيجابى بوو
ئێزديخا نيوز/تايبه‌ت

چالاكڤانێ ئێزدى،محمود ئه‌لبرغىشى وه‌كو نوونه‌رێ ئێزديان بۆ ماوێ هه‌فتيه‌كێ پشكدارى د چالاكيه‌كا تيما تاقيكرنان دناڤبه‌را ئاينان دا‌ ل وه‌لاتێ ئۆغه‌ندا كر.

محمود ئه‌لبرغىشى،بۆ(ئێزديخان نيوز)ڕاگه‌هاند؛ل سه‌ر داخوازا ڕێكخراوا(mensen met een missie)پشكدارى چالاكيه‌كا تيما تاقيكرنان دناڤبه‌را ئاينان دا‌ ل وه‌لاتێ ئۆغه‌ندا بووين،ئەڤ ئەزموونە پشكه‌ك بوو ژ پرۆگرامی (JISRA)،کو ئارمانجا وى پشكداريكرنه‌ ل ئاڤاكرنا جڤاكێن ئاشتيانه‌ و دادپەروەرانه‌ کو تێدا هه‌ر كه‌س مفاى ژ ئازاديا باوه‌ريا ئۆلى و خۆپەرستنا ئاینی وەربگرن.

ئاشكه‌راكرژى؛به‌رنامه‌ يێ پێكهاتيبوو ژ 30پشكداران ژ ئاين و مه‌زهه‌بێن جودا جودا ل سه‌رانسه‌رى جيهانێ.

چالاكڤانێ ئێزدى دياركر ژى دڤێ چالاكيێ دا كو بۆ ماوێ هه‌فتيه‌كێ به‌رده‌وام بوو سميناره‌ك ل دۆر ئێزديان پێشكێشكر و تێدا به‌حس ل ناساندنا ئێزديان و ده‌ڤه‌رێن لێ ئاكنجى و هه‌ژمارا وان و ئه‌و كۆمكوژيێن تووش بووينێ د دڕێژاهيا ديرۆكێ دا كر.

ئه‌لبرغىشى زه‌لالكر:كه‌سێن پشكدار زانيارى ل سه‌ر ئێزديان نه‌بوون و پشتى مه‌ ئێزدى بۆ وان داينه‌ ناسين هه‌لويستێ وان يێ ئيجابى بوو،كو داخوازا په‌رتۆكان و مالپه‌رێن گڕێدايى ب ئێزديان كرن،بۆ هندێ بتر ژ نێزيك ڤه‌ ئێزديان بناسن.