مەهدی حەسەن موراد: رۆژیێن چلێ هاڤینێ و رێورەسمێن دئێنە گێران ل لالشا نوورانی
رۆژیێن چلێ هاڤینێ و رێورەسمێن دئێنە گێران ل لالشا نوورانی
مەهدی حەسەن موراد
هەر سال چلێ هاڤینێ ئێزدی ب رۆژی دبن کا چاوا ل چلێ زڤستانێ چل رۆژی ب رۆژی دبن ل وی سڕ و سەقایێ زڤستانێ وەسا ئەڤی چلێ هاڤینی ل ڤێ گەرمێ و رۆژێن درێژ هەر سال ل رۆژا (٢٤)ی خزیرانێ و هەتا(٢)ی تەباخێ ب هژمارا زایینی ب رۆژی دبن ، ئانكو (٤٠) رۆژن وەک دیار ئەڤ چەژن ب دەمی ڤە یا گرێدایە د ڤان چل رۆژێن گەرم و درێژ دا زەلامێن ئولی و هەر ئێزدییەکی بڤێت چل رۆژی یان ژ بۆ خودێ دگریت ئەڤ رۆژی نەفەرزن هەر ئێزدیەک بگریت بەلکی خێرن نەخاسمە بتریا دیندار و کەسانێن ئولی و ئەڤێن دڤێن بنە چلەگر ڤان رۆژیا دگرن، ئەو کەسێ ڤان چل رۆژا دگریت دگەل چل زڤستانێ دبێژنێ (چلەگر).
(( چلەگر ))ئەو کەسێ چلەیێ زڤستانێ و چلەیێ هاڤینێ ب رۆژی بن و بۆ ماوەیێ بیست سالا هەر دوو چلەیێ زڤستانێ و هاڤینێ ب رۆژی بن ژ نووكا دبێژنێ چلەگر،ئانكو هەر كەسێ ڤان رۆژیا بگرت نابتە چلەگر تەنها ئەو كەسێ پێگیری رۆژی گرتنێ بت بۆ ماوێ (٢٠)سالا رۆژیێن چلەیێ هاڤینێ و زڤستانێ ب رۆژێ بن دبێژنێ چلەگر ….
د رۆژا دوماهیێ دا پشتی چل رۆژیێن چلێ هاڤینێ ب داوی دئێن دبتە جەژن و رێ و رەسمێن چەژنێ ل لالشا نورانی د هێنە گێران ، هەر بوزانین رێورەسمێن دەسپێکا رۆژا ئێکێ ل پەرستگەها لالش دئێتە گێران ، ئەوژی ب حازریا ئختیارێ مەرگەهێ بابا شێخ و جڤاتا روحانی و چلەگر و دەروێش و شكەستی و زانایێن ئایینی و هەر ئێزدیەكی بڤێت چلەیێ ب رۆژی بت ل هێڤارا رۆژیا ئێكێ قەستا پەرستگەها لالش دكن و هندەك ئاخێ ژ چلەخانێ دگەل خۆ هەلگرن و پشکداری ڕێ و رەسمێن د هێنە گێران دبن، هەر بۆ زانین فەرە چلەگر چلێ زڤستانێ ژ(٢٤)ی هەیڤا كانوونا ئێكێ دەست پێ بكت و هەتا (2)ی هەیڤا سباتێ ب هژمارا زایینی،دیسا ل رۆژا(40)ێ دبتە جەژن رێورەسمێن ڤێ جەژنێ هەر وەكی یێن جەژنا چلێ هاڤینێ نە ل پەرستگەها لالش دئێنە گێران…
د باوەریا مە ئێزدیان دا ئەڤ چلەیێ هاڤینێ و زڤستانێ گرنگیا خو هەیە و گەلەک د پیرۆزن نەخاسمە کەسێن دبن چلەگر هەر وەكی ڤان سەبەقا ژ ئەدەبێ ئایینێ ئێزدیان دبێژت:
مەلەك فەخرەدین دنگ هلتینە
هنجیێ خاترا من تێ ببینە
دلێ چللەگرە نا ئیشینە
چللەگر ب رۆژینە
فەرزێن خۆ ب جی تینە
ئەون جندیێن سلتینە
ب شەڤ رۆژ ب رۆژینە
ئەوان فتار نینە
ئەو جندیێن سلتان ئێزینە
ھەر بوزانین پشتی چللە دەست پێ دکەت ل رۆژانێن چلەی ھەر رۆژ گوندەک قەستا بەر سجادا مەلک فەخردین د کەن و دچنە سەر چلەیێ بابا شێخ و ھندەک ژ خێر و خێراتێن گوندی د گەھینن جھێ بابا شێخ لێ ئاکنجی بەر سجادێ ، داکو بڤێ ھەلکەفتێ . رۆژێن پیرۆز خێرەک ب گەھت گوندیا و ئێزدیان و دوربن ژ قەدا و بەلا یە و داخازێ ژ بابا شێخ دکەن دوعایەکێ بۆ گوندێ وان ب کەت داخازا تفاق و تەبایێ ژ بو گوندیا بکەت، لدوماهیکا رونشتنا گوندیا ل گەل بابا شێخ و پێکڤە زادەکی دخون بابا شێخ ژی بەراتەکێ پێشکێشی مجێورێ گوندی د کەت و دگەل دانا بەراتێ ئەڤێ دوعا یا ئیختیارێت ب سور و كەرەم و رۆناھی بۆ مجێوری و ریھسپی و گوندیا د بێژت
یا خودێ توو ب دەیە خاترا ناڤێ خۆ
خاترا خودان خاترا خاترا عەزیز یا خۆ
خاترا وان ئێ ل نك تە ب خاتر
خاترا چلێ عەردا چلێ عەسمانا
خاترا چلێ شیخادی چلێ مەلك شێخ سن
خاترا چلێ داود چلێ بازید
خاترا چلێ كانیا سپی
خاترا چل مێرێت ل بەر سجادا مەلك فەخرەدین
ڤێ چلێ هاڤینێ توو دەریەكی خێرێ دەریەكی رەحمێ ڤەكەی ل ڤێ دنیایێ و ل حالێ ئێزدیا ب پرسی و تفاقەكێ د ناڤ ئێزدیاكەی و سوڕ و كەرەمێت باتنی ل ئێزیدخانێ ڤەگەرینی و چرایێ لالشێ و چرایێ ئێزیدخانێ و ھەر ھەفت زێوێت مەرگەھا شیخادی گوڕی و رۆناھیكەی و ئختیارێت مخفی سوڕ داھر و باقی كەی دلێ مە و ئێزیدخانێ پێ خۆشی و شاھی كەی-
سعود و خەلاتێت باتنی ل ئێزیدخانێ
ڤەگەرینی زوو نەدەرەنگ
ژێدەر:
-پەرتۆكێن پەروەردا ئێزدیاتیێ
-مجێور پیر سەعید پیر بیبۆ
. زانایێ ئولا ئێزدیاتیێ پیر خەلات ئەلیاس
- ژ نڤیسینێن ماموستا شرو ابراھیم
مەهدی حەسەن موراد
هەر سال چلێ هاڤینێ ئێزدی ب رۆژی دبن کا چاوا ل چلێ زڤستانێ چل رۆژی ب رۆژی دبن ل وی سڕ و سەقایێ زڤستانێ وەسا ئەڤی چلێ هاڤینی ل ڤێ گەرمێ و رۆژێن درێژ هەر سال ل رۆژا (٢٤)ی خزیرانێ و هەتا(٢)ی تەباخێ ب هژمارا زایینی ب رۆژی دبن ، ئانكو (٤٠) رۆژن وەک دیار ئەڤ چەژن ب دەمی ڤە یا گرێدایە د ڤان چل رۆژێن گەرم و درێژ دا زەلامێن ئولی و هەر ئێزدییەکی بڤێت چل رۆژی یان ژ بۆ خودێ دگریت ئەڤ رۆژی نەفەرزن هەر ئێزدیەک بگریت بەلکی خێرن نەخاسمە بتریا دیندار و کەسانێن ئولی و ئەڤێن دڤێن بنە چلەگر ڤان رۆژیا دگرن، ئەو کەسێ ڤان چل رۆژا دگریت دگەل چل زڤستانێ دبێژنێ (چلەگر).
(( چلەگر ))ئەو کەسێ چلەیێ زڤستانێ و چلەیێ هاڤینێ ب رۆژی بن و بۆ ماوەیێ بیست سالا هەر دوو چلەیێ زڤستانێ و هاڤینێ ب رۆژی بن ژ نووكا دبێژنێ چلەگر،ئانكو هەر كەسێ ڤان رۆژیا بگرت نابتە چلەگر تەنها ئەو كەسێ پێگیری رۆژی گرتنێ بت بۆ ماوێ (٢٠)سالا رۆژیێن چلەیێ هاڤینێ و زڤستانێ ب رۆژێ بن دبێژنێ چلەگر ….
د رۆژا دوماهیێ دا پشتی چل رۆژیێن چلێ هاڤینێ ب داوی دئێن دبتە جەژن و رێ و رەسمێن چەژنێ ل لالشا نورانی د هێنە گێران ، هەر بوزانین رێورەسمێن دەسپێکا رۆژا ئێکێ ل پەرستگەها لالش دئێتە گێران ، ئەوژی ب حازریا ئختیارێ مەرگەهێ بابا شێخ و جڤاتا روحانی و چلەگر و دەروێش و شكەستی و زانایێن ئایینی و هەر ئێزدیەكی بڤێت چلەیێ ب رۆژی بت ل هێڤارا رۆژیا ئێكێ قەستا پەرستگەها لالش دكن و هندەك ئاخێ ژ چلەخانێ دگەل خۆ هەلگرن و پشکداری ڕێ و رەسمێن د هێنە گێران دبن، هەر بۆ زانین فەرە چلەگر چلێ زڤستانێ ژ(٢٤)ی هەیڤا كانوونا ئێكێ دەست پێ بكت و هەتا (2)ی هەیڤا سباتێ ب هژمارا زایینی،دیسا ل رۆژا(40)ێ دبتە جەژن رێورەسمێن ڤێ جەژنێ هەر وەكی یێن جەژنا چلێ هاڤینێ نە ل پەرستگەها لالش دئێنە گێران…
د باوەریا مە ئێزدیان دا ئەڤ چلەیێ هاڤینێ و زڤستانێ گرنگیا خو هەیە و گەلەک د پیرۆزن نەخاسمە کەسێن دبن چلەگر هەر وەكی ڤان سەبەقا ژ ئەدەبێ ئایینێ ئێزدیان دبێژت:
مەلەك فەخرەدین دنگ هلتینە
هنجیێ خاترا من تێ ببینە
دلێ چللەگرە نا ئیشینە
چللەگر ب رۆژینە
فەرزێن خۆ ب جی تینە
ئەون جندیێن سلتینە
ب شەڤ رۆژ ب رۆژینە
ئەوان فتار نینە
ئەو جندیێن سلتان ئێزینە
ھەر بوزانین پشتی چللە دەست پێ دکەت ل رۆژانێن چلەی ھەر رۆژ گوندەک قەستا بەر سجادا مەلک فەخردین د کەن و دچنە سەر چلەیێ بابا شێخ و ھندەک ژ خێر و خێراتێن گوندی د گەھینن جھێ بابا شێخ لێ ئاکنجی بەر سجادێ ، داکو بڤێ ھەلکەفتێ . رۆژێن پیرۆز خێرەک ب گەھت گوندیا و ئێزدیان و دوربن ژ قەدا و بەلا یە و داخازێ ژ بابا شێخ دکەن دوعایەکێ بۆ گوندێ وان ب کەت داخازا تفاق و تەبایێ ژ بو گوندیا بکەت، لدوماهیکا رونشتنا گوندیا ل گەل بابا شێخ و پێکڤە زادەکی دخون بابا شێخ ژی بەراتەکێ پێشکێشی مجێورێ گوندی د کەت و دگەل دانا بەراتێ ئەڤێ دوعا یا ئیختیارێت ب سور و كەرەم و رۆناھی بۆ مجێوری و ریھسپی و گوندیا د بێژت
یا خودێ توو ب دەیە خاترا ناڤێ خۆ
خاترا خودان خاترا خاترا عەزیز یا خۆ
خاترا وان ئێ ل نك تە ب خاتر
خاترا چلێ عەردا چلێ عەسمانا
خاترا چلێ شیخادی چلێ مەلك شێخ سن
خاترا چلێ داود چلێ بازید
خاترا چلێ كانیا سپی
خاترا چل مێرێت ل بەر سجادا مەلك فەخرەدین
ڤێ چلێ هاڤینێ توو دەریەكی خێرێ دەریەكی رەحمێ ڤەكەی ل ڤێ دنیایێ و ل حالێ ئێزدیا ب پرسی و تفاقەكێ د ناڤ ئێزدیاكەی و سوڕ و كەرەمێت باتنی ل ئێزیدخانێ ڤەگەرینی و چرایێ لالشێ و چرایێ ئێزیدخانێ و ھەر ھەفت زێوێت مەرگەھا شیخادی گوڕی و رۆناھیكەی و ئختیارێت مخفی سوڕ داھر و باقی كەی دلێ مە و ئێزیدخانێ پێ خۆشی و شاھی كەی-
سعود و خەلاتێت باتنی ل ئێزیدخانێ
ڤەگەرینی زوو نەدەرەنگ
ژێدەر:
-پەرتۆكێن پەروەردا ئێزدیاتیێ
-مجێور پیر سەعید پیر بیبۆ
. زانایێ ئولا ئێزدیاتیێ پیر خەلات ئەلیاس
- ژ نڤیسینێن ماموستا شرو ابراھیم
تعليقات