شنگال.. د ڤێ هه‌یڤێ دا سه‌یێن به‌ره‌لا هێرشى 25 كه‌سان كرینه
گاڤ
به‌پرسێ یه‌كه‌یا ڤاكسیندانێ ل شنگالێ بۆ گاڤ راگه‌هاند، سه‌یێن به‌ره‌لا د 23 رۆژان دا هێرشى 25 كه‌سان كرینه.
به‌ركات حاجۆ، به‌رپرسێ یه‌كه‌یا ڤاكسیندانێ ل شنگالێ بۆ گاڤ دا زانین، هژمارا سه‌یێن به‌ره‌لا رۆژ بۆ رۆژێ به‌ره‌ڤ زێده‌بوونێ یه و بووینه مه‌ترسیه‌كا جددى لسه‌ر وه‌لاتیێن شنگالێ و ناوچه‌یێن وێ.
حاجۆى دا زانین ژى، ژ ئێكى ڤێ هه‌یڤێ تا ئه‌ڤرۆ 25 كه‌س ژ لایێ سه‌یێن به‌ره‌لاڤه هاتینه له‌قدان، ئه‌ڤرۆ هێرشى دو كه‌سان هاتیه كرن، كه‌سێن هێرشى وان هاتیه كرن خه‌لكێ ناوچه‌یێن جودا یێن ده‌ڤه‌را شنگالێ نه و ل نه‌خۆشخانه‌یا خانه‌سۆرێ كو ڤاكسینێ دژى له‌قدانا سه‌یان ل وێرێ ب تنێ هه‌یه دهێنه چاره‌سه‌ركرن.
به‌رپرسێ یه‌كه‌یا ڤاكسیندانێ ل شنگالێ دیار كر ژى، رۆژ نینه سه‌یێن به‌ره‌لا هێرشى وه‌لاتیان نه‌كه‌ن و دڤێت ئالیێن په‌یوه‌ندیدار راده‌یه‌كى بۆ وان سه‌یان بدانن و هێرشێن وان ب دویماهى بهێن.
تعليقات