خانی بۆ رزگاربوویێن ئێزدی دئێنه ئاڤاكرن
خانی بۆ رزگاربوویێن ئێزدی دئێنه ئاڤاكرن
ئێزديخان نيوز:
رێڤه‌به‌رێ كۆچ و كۆچبه‌ران و به‌رسڤدانا قه‌یرانان ل پارێزگه‌ها دهۆكێ دیار كر، د ناڤ كه‌مپێن ئاواران دا ل سنووری پارێزگه‌ها دهۆكێ خانی بۆ رزگاربوویێن ئێزدی یێن ژ ده‌ستێن تیرۆرستێن داعشێ رزگاربووین دهێنه ئاڤاكرن و دبێژیت: نوكه ده‌ست ب پڕۆژه‌كی ل كه‌مپا شاریا هاتیه كرن.
پیرده‌یان جه‌عفه‌ر، رێڤه‌به‌رێ كۆچ و كۆچبه‌ران و به‌رسڤدانا قه‌یرانان ل پارێزگ رزگاربوویێنه‌ها دهۆكێ بۆ رۆژناما ئه‌ڤرۆ گۆت: “پڕۆژه‌یێ ئاڤاكرنا هه‌ژماره‌كا خانیان ل كه‌مپا شاریا بۆ رزگاربوویێن ئێزدی ل جهێ خێڤه‌تێن وان ب هاریكاریا رێكخراوان هاتیه ده‌ستپێكرن”.
گۆتژی: “وه‌كو قووناغا ئێكی ده‌ست ب ئاڤاكرنا هنده‌ك خانیان ل كه‌مپا شاریا ب هاریكاریا رێكخراوه‌كێ هاتیه كرن و د قووناغا دووڤ دا ل كه‌مپا باجد كه‌ندالان ژی خانی بۆ رزگاربوویان دێ هێنه ئاڤاكرن”.
ئاشكرا ژی كر، هه‌تا نوكه پتر ژ 330 هزار كه‌سێن ئاواره د ناڤ كه‌مپان و ژ ده‌رڤه‌ی كه‌مپان ماینه و نه‌شێن ڤه‌گه‌ڕنه سه‌ر مال و حالێن خوه، حكومه‌تا هه‌رێما كوردستانێ به‌رده‌وام رێیێن چاره‌سه‌ریێ بۆ باشتركرنا ره‌وشا ئاواران دگه‌ریت و به‌رده‌وام هاریكاری و پشته‌ڤانیا ئاواران دكه‌ت و گۆت: “ژ ئه‌گه‌رێ خرابیا ره‌وشا شنگالێ گه‌له‌ك بارگرانی ل سه‌ر حكومه‌تا هه‌رێما كوردستانێ چێبوویه، له‌و پێدڤیه به‌غدا هه‌ڤكاریا ئاواران، ب تایبه‌تی ژی یا رزگاربوویێن ئێزدی بكه‌ت”.
تعليقات