ئاوارەیەکی کەمپا مام رەشان یێ بەرزەیە

 ئاوارەیەکی کەمپا مام رەشان یێ بەرزه‌یە

ئاژانسا خانی:

ل کەمپا مام رەشان ل سنۆرێ قەزا شێخان ئاوارەیەکی خەلکێ شنگالێ ژ دوهی رۆژا ئێکشەمبێ ڤە یێ بەرزەیە و هەتا نوكە چ ژێ نەهاتیە زانین.

هەڤژینا وی بناڤێ ترکۆ سەبری بۆ ئاژانسا خانێ گۆت،دوهی رێکەفتی 28ی چریا دووێ یا سالا2021ێ هەڤژینێ من یێ پێشمەرگە چوو بوو کۆمالگەها دۆمیز ل دهۆکێ دا کو ماستر کارتا خوە چێبکەت، دەمژمێر نەهـێ سپێدێ داوویی جار بوو ئەز ب ته‌له‌فونێ دگەل ئاخفتیم هەر ژ وی دەمی و هەتا نوكە مە ئاگەهی ژی نەمایه‌ و ته‌له‌فونا وی یا گرتییە.

پتر گۆت،ناڤێ وی"فەواز ئەلیاس حەیدەر"ە ئەو ژ دایکبوویێ سالا 1996ێ یە د کۆمالگەها تل قەسەبە ل باشووری چیایێ شنگالێ و هەر ژ سالا 2014ێ ڤە وەکو ئاوارە ل کەمپامام رەشان دمینیت.

ل دوایێ ژی گۆت، مە هەموو ئالیێن بەرپرس و ئەمنی ل سەر بەرزە بوونا وی ئاگەهدار کرینە لێ هەتا نوكە چ ژێ نەهاتییە زانین و ئەم هیڤیدارن ژ هەر ئالیەکی دیڤچوونەکا جددی ل سەر بکەن هەتا کو من ئاگەهییەك ژ هەڤژینێ خوە هەبیت و تشتەکی ژی بزانم.