قایممقامێ شنگال: دووڤچۆن لسەر تێكدانا گۆڕەكێ ب كۆم ل شنگال دئێتە كرن
قایممقامێ شنگال: دووڤچۆن لسەر تێكدانا گۆڕەكێ ب كۆم ل شنگال دئێتە كرن
قایمقامێ قەزا شنگال دیار كر گۆرەكێ ب كۆم دناڤ سەنتەرێ شنگالدا هاتە تێكدان ل سەر ڤێ بابەتی ب نڤیسارەكا فەرمێ مە ئاگەهداریا ئێدارا موسل كریە ئەو كەسێن گۆرێن بكۆم تێكداین پێدڤیە بهێنە سزادان.
مەحما خەلیل، قایمقامێ قەزا شنگال بۆ (باسنیوز) راگەهاند كو: "زێدەگاڤێ ل سەر گورەكێ ب كۆم ل شنگال هاتە كرن كو گۆرەكێ ب كۆم هاتییە تێكدان، ژلایێ حكومەتا عێراقی ڤە ب نڤیسارەكا فەرمێ مە ئێدارا پارێزگەها مووسل ئاگەهدار كریە ئەو كەسێن دەست تێكدانا گۆرێن ب كۆمدا ل شنگال هەین، پێدڤییە بهێنە سزادان و نابیت گۆرێن بكۆم بهێنە تێكدان".
قایمقامێ قەزا شنگال، ئاشكەرا كر كو: "دناڤ سەنتەرێ شنگالێدا گۆرەكێ بكۆم هاتیە تێكدان، ئەڤ كارا ژلایێ هێزین عێراقی ڤە هاتییە كرن، ئەم دێ پتر دووڤچوونێ ل سەر كەن".
ل قەزا شنگال پتر 80 گۆرێن ب كۆم هاتینە دیتن كو سالە 2014ێ ژلایێ تیرۆرستێن داعش ڤە خەلكێ شنگال تێدا هاتینە گوللەبارانكرن و چەند گورێن ب كۆم یێن هاتینە ڤەكرن ناسنامەیێن 104 روفاتێن ناڤ گۆرێن بكۆمدا ئاشكرا بووینە هیشتا ناسنامەیێن گەلەك قوربانیان ئاشكرا نەبووینە.
تعليقات