ئاواره ب مه‌رج دێ ڤه‌گه‌رنه شنگال
ئاواره ب مه‌رج دێ ڤه‌گه‌رنه شنگال
وەكیلێ میرێ ئێزدیان بۆ كارۆبارێن پەیوەندیان دیاركر كو مەرجێن ئاوارێن شنگال ئەون تەناهی وئاڤەدانی ل شنگال هەبیت ئەڤە ژی گرێدایێ بجه ئێنانا رێكەفتنا شنگالێ نە هەكە رێكەفتن بجه هات دێ باوەری بۆ ئاواران دروست بیت دێ شێن زڤرنە سەر جهێن خۆ.
میر جەهوەر عەلی بەگ، وەكیلێ میرێ ئێزدیان بۆ كارۆبارێن پەیوەندییان بۆ (باسنیوز) راگەهاند كو: "رێكەفتنا شنگال ئەڤە دەمەكێ درێژ ناڤبەرا حكومەتا هەرێما كوردستانێ و عێراقێ دا هاتیە ئەنجامدان لێ هەتا نۆكە نەهاتیە بجه ئێنان پێدڤیە حكومەتا عێراقێ ب رژدی بۆ بجه ئێنانا رێكەفتنا شنگال كار بكەت هەموو خالێن رێكەفتنێ دا بجه بینت داكو باوەری بۆ ئاوارێن شنگال دروست بیت بشێن بزڤرنە سەر جه و مالێن خۆ چونكو ئێك ژ مەرجێن زڤرینا ئاواران بۆ شنگال ئەوە تەناهی وئاڤەدانی ل شنگال هەبیت هەكە رێكەفتنا شنگال بجه هات بێگومان دێ تەناهی وئاڤەدانی ژی دەست پێ كەت".
ئاشكەرا كركو: "چەند رێكەفتنا شنگال گیرۆبیت پتر مەترسی ل سەر دەڤەرێن ئێزدیان ل شنگال دروست بیت چونكو گوهۆرینا دیمۆگرافی دهێتە كرن ئەڤە دێ زیانەكا مەزن گەهینتە ئێزدیان. ئەم هێڤدارن هەموو كار بهێنە كرن بۆ نەهێلانا دروستبوونا گوهۆرینا دیمۆگرافی ل شنگال".
تعليقات