ل شنگال هشكەسالی هاتە راگەهاندن
ل شنگال هشكەسالی هاتە راگەهاندن
رێڤەبەرێ چاندنێ ل قەزا شنگال دیار كر ژبەر نەبارینا بارانێ, هەموو گەنمێ ل شنگال هاتییە چاندن، تووشی هشكبوونێ بوویە. ئەڤ سالە ل شنگال ژبەر هشكەسالیێ هیچ بەرهەمەك نینە.
شەرەف نایف، رێڤەبەرێ چاندنێ ل قەزا شنگال بۆ (باسنیوز) راگەهاند كو: "هەموو دەخلۆدانێ ل شنگال هاتیە چاندن 100% بەرەڤ هشكبوونێ چوویە، چوو بەرهەم ژی ناهێت بتایبەتی ژی ئەو ئەردێ ل بەر بارانان هاتیە چاندن چونكو بارینا بارانێ نەبوویە ئەردی چاندنێ تەمامی ژناڤ چوویە. هەتا 250 هزار دونەمێن گەنم ل شنگال هاتبوونە چاندن هەموو ژبەر نەبارینا بارانێ پووچ بوویە و چوو بەرهەم ژی ناهێت. لەورا ئەم هشكەسالیێ رادگەهینن وپێدڤیە پشتەڤانی و هەڤكاریا جۆتیارێن شنگال بهێتە كرن داكو بشێن سالا بهێت بەردەوامی بكارێ خۆ یێ چاندنێ بدەن".
ئاشكەرا كر كو: "چوو پشتەڤانی ژلایێ ل بەغدا ڤە ل جۆتیارێن شنگال نەهاتیە كرن. ئەم داخوازێ دكەین تۆڤێ گەنم و ئامێرێن ئاڤەدانی و رەشاندنێ هەموو پێدڤین چاندنێ بۆ جۆتیارێن شنگال بهێنە دابینكرن داكو جۆتیار بشێن سالا بهێت كارێ خۆ ئەنجام دەن".
تعليقات