پاپا ل بەغدا: ئێزدی ژ بەر ئۆلێ خۆ تووشی کوشتن و بنبرکرنێ بوون
پاپا ل بەغدا: ئێزدی ژ بەر ئۆلێ خۆ تووشی کوشتن و بنبرکرنێ بوون
پشتی پاپا فرەنسیس گەهشتیە کۆچکا بەغدا د گۆتارەکێ دا ئاماژە دا نەهامەتی و کارەساتێن ب سەرێ کوردێن ئێزدی دا هاتی و داخواز ژ رێکخستنێن نێڤدەولەتی کر بەردەوام هاریکاریێن خۆ پێشکێشی ئیراقێ بکەن.
پاپا فرەنسیسی د گۆتارا خۆ دا دیارکر: ب درێژاهییا سالێن بووری ئیراق تووشی گەلەک کارەساتێن شەر و تیرۆرێ بوویە و مرن و کاڤلکاری ب سەرێ ڤی وەلاتی هاتینه و نموونە ژی ئێزدینە، ئەو قوربانیێن بێگونەهـ یێن کەفتینە بەر هێرشەکا هوڤانە و ژ بەر ئۆلێ وان تووشی کوشتن و بنبرکرنێ بووینە و خوە ناسنامە و هەبوونا وان ژی کەفتیە د مەترسیێ دا.
پاپای هەروەسا داخواز ژ جڤاکێ نێڤدەولەتی کر کار بۆ سەقامگیرکرنا ئاشتیێ ل ئیراقێ و هەمی رۆژهەلاتا ناڤین بکەن و قەبخوازیێن بەردەوام ژ مرۆڤایەتیێ دخوازن پێکڤە ئێکگرتی بن پێخەمەتی بەرسنگرتنا نەیەکسانیێ د بیاڤێ ئابۆری و ئالۆزیێن هەرێمی یێن دبنە مەترسی ل سەر ڤان وەلاتان.
پاپا فرەنسیسی د بەردەوامیا گۆتارا خۆ دا داخواز ژ رێکخستنێن نێڤدەولەتی کر بەردەوام هاریکاریێن خۆ پێشکێشی ئیراقێ بکەن و دووپاتکر، نابیت چو وەلاتیێن ئیراقێ هەست بکەن پلە دو نە و پێدڤیە ئاوارە ڤەگەرنە سەر جهـ و وارێن خۆ.
تعليقات