قاسم شه‌شۆ:هه‌تا پێشمه‌رگه و له‌شكه‌رێ عێراقێ پێكڤه نه‌ئێنه دناڤ شنگال دا ته‌ناهى دروست نابت
قاسم شه‌شۆ:هه‌تا پێشمه‌رگه و له‌شكه‌رێ عێراقێ پێكڤه نه‌ئێنه دناڤ شنگال دا ته‌ناهى دروست نابت
فەرماندارێ فەرماندەیا شنگال یا هێزێن پێشمەرگەی دیار كر كو ژبەر پەكەكێ و گرۆپێن ب سەر ڤە تەناهی ل شنگال دروست نابیت، هەتا ئەو ناڤ شنگال دا تەناهی دروست نابیت.
قاسم شەشۆ، فەرماندارێ فەرماندەیا شنگال یا هێزین پێشمەرگەی بۆ (باسنیوز) راگەهاند كو: "رەوشا شنگال یا خرابە، هەموو چەكدار ناڤ شنگال دانە. هەتا پەكەكە و هێز و گرۆپێن سەر پەكەكێ ڤە دناڤ شنگالدا بن تەناهی ل شنگال دروست نابیت. نۆكە رەوشا شنگال باش نینە لەورا ژی خەلك نەشێن ڤەگەرن هەتا پێشمەرگەی كوردستانێ و لەشكەرێ عێراقێ پێكڤە نەهێنە دناڤ شنگال دا تەناهی دروست نابیت".
ئاشكەرا كركو:" هێز و گرۆپێن چەكدار ونەشەرعی دناڤ شنگالدا زێدەبوویە ئەڤە بوویە ئەگەر تەناهی دروست نەبیت. ئەو هێز و گرۆپێن نەشەرعی ناهێلن تەناهی پەیدا بیت".
سالا 2014ێ تیرۆرستێن داعش هێرشی سەر شنگال كرن. ل وێ دەمێ پەكەكێ قەستا چیایێ شنگال كر هەتا ئەڤرۆ ژی ل شنگال ماینە. گەلەك جاران جڤاتا روحانیا ئێزدیان و كەسایەتیێن ئێزدی ل شنگال داخوازكرینە پەكەكێ شنگال چۆل بكەت لێ هێشتا ماینە ورێكەفتن دناڤبەرا حكومەتا هەرێما كوردستانێ وعێراقێ بۆ ئاساییكرنا رەوشا شنگال هاتە ئەنجامدان. ل گۆری رێكەڤتنێ پێدڤیە هەموو هێز و گرۆپێن چەكدار شنگال چۆل بكەن لێ بتنێ وان گرۆپ و هێزێن چەكدار ئالایێ خۆ دانان وجل و بەرگین خۆ گوهارتن ماینە دناڤ شنگالدا.
تعليقات