100خێزانێن ئاواره ڤەگەریانا خۆ بۆ ناڤ شنگالێ هەلوەشاند
100خێزانێن ئاواره ڤەگەریانا خۆ بۆ ناڤ شنگالێ هەلوەشاند
رێڤەبەرێ كوچ و كوچبەرێن عێراقی ل پارێزگەها دهۆكێ ئاشكەرا كر ب رێژا 95% ڤەگەریانا ئاواران بۆ شنگال كێم بوویە و نۆكە 100 خێزانان ژبەر ئالوزیێن ڤەگەریانا خۆ بۆ شنگال هەلوەشاندن.
ئەسكەندەر محەمەد ئەمین، رێڤەبەرێ كوچ و كوچبەرێن عێراقی ل پارێزگەها دهۆكێ بۆ (باسنیوز) ئاشكەرا كر: "نۆكە ڤەگەریانا ئاواران بۆ شنگال گەلەك كێم بوویە، خەلك ژبەر ئالوزیێن دناڤ شنگالدا و خرابیا رەوشا شنگال نەشێن ڤەگەرن. ئەو گەفێن ڤێ دووماهیێ یێن پەكەكێ كرین دبێژت ئەم شنگال چۆل ناكەین گەلەك كارتێكرن ل سەر ڤەگەریانا ئاواران بۆ شنگال كریە ، هەتا 100 خێزانان حەز دكرن ڤەگەرنە سەر جهێن خۆ ل شنگال لێ نۆكە ئەڤە هژمارا ئاواران جارەكا دی ڤەگەریانا خۆ بۆ شنگال پەشیمان بووینە، نەشیان بچنە شنگال".
ئاشكەرا كر: "خەلكێ شنگال ژبەر نەبوونا تەناهیێ وگیرۆبوونا بجه ئێنانا ریكەفتنا دناڤبەرا حكومەتا هەرێما كوردستانێ و عێراقی دا نەشێن ڤەگەرن چونكو ئاوارێن شنگال چاڤەرێیا بجه ئێنانا رێكەفتنا شنگال دكەن لەورا نۆكە ڤەگەریانا ئاواران ب رێژا 95% بۆ شنگال كێم بوویە".
ئەوژی خۆیا كر كو: "هەكە رێكەفتنا شنگال بجه هات دێ تەناهی ل شنگال پەیدابیت، دێ ئاڤەدانی و خزمەتگوزاری بۆ وەلاتیان ناڤ شنگال دا هێنە دابینكرن لەورا ئاوارێن شنگال هیڤیا بجه ئێنانا رێكەفتنا شنگالێ نە داكو بشێن ڤەگەرن".
تعليقات