وەكیلێ میرێ ئێزدیان:داخوازێ ژ حكوومەتا سووریا دكه‌ين مافێن ئێزدیان د دەستورێ خۆ دا دابین بكەت
وەكیلێ میرێ ئێزدیان:داخوازێ ژ حكوومەتا سووریا دكه‌ين مافێن ئێزدیان د دەستورێ خۆ دا دابین بكەت
وەكیلێ میرێ ئێزدیان بۆ كارۆبارێن پەیوەندییان دیار كر كو: "گوهۆرینا ناسنامەیا ئێزدییان ل سوریا جهێ قەبوولكرنێ نینە. ئەو كارێ وەزارەتا داد ل سووریا دژی ئێزدییان دكەت ڤێ چەندێ هەموو ئێزدی دلگران كرینە. ئەم داخوازێ دكەین حكوومەتا سووریا هەموو مافێن ئێزدییان دەستورێ خۆ دا دابین بكەت".
ئەڤرۆ 24/2/2021ێ، میر جەهوەر عەلی بەگ، وەكیلێ میرێ ئێزدییان بۆ كارۆبارێن پەیوەندییان بۆ (باسنیوز) راگەهاند كو: " ئیزدیێن وەلاتێ سووریا تووشی ئاریشەكا مەزن بووینە. نۆكە ئێزدییان ئەڤ ئاریشا خۆ گەهاندییە مە كو وزارەتا داد ل سووریا كار دكەت ئێزدییان ناڤ دەستورێ سووریا دا پشتگوه بێخت. هەتا ژی ل سەر ناسنامەیێن ئێزدییان بنڤیست موسلمان. ئەڤە جهێ قەبوولكرنێ نینە. پێدڤیە حكوومەتا سووریا مافێن ئێزدییان دابین بكەت وەكو هەر ئاین ونەتەوەكی دی یێ ل سووریا دژین".
ئاشكەرا كر كو: "گوهۆرینا ناسنامەیا ئێزدییان ل سووریا هەموو ئێزدی دلگران كرینە. ئەم داخوازێ ژ جڤاكێ نێڤدەولەتی وهەموو رێكخراوێن جیهانێ و دەولەتان دكەین هەڤكاریا ئێزدیێن سووریا بكەن".
تعليقات