وه‌كیلێ میرێ ئێزدییان: حكوومه‌تا عێراقێ كه‌مته‌رخه‌میێ د دۆسیه‌یا ئاوارێن شنگال دا دكه‌ت
وه‌كیلێ میرێ ئێزدییان: حكوومه‌تا عێراقێ كه‌مته‌رخه‌میێ د دۆسیه‌یا ئاوارێن شنگال دا دكه‌ت
وه‌كیلێ میرێ ئێزدیان بۆ كارۆبارێن په‌یوه‌ندیان دیاركركو:" بۆ باشكرنا ژیانا ئاوارێن شنگال پێدڤیه شوونا خیڤه‌ت وچادران جهێن ئاكنجیبوونێ بۆ ئاواران ب بلۆكان بهێته دروستكرن داكو خه‌لكێ مه ژ روودانیێن ئاگربه‌ربوونێ بهێته پاراستن".
ئه‌ڤرۆ 22/2/2021ێ، میر جه‌هوه‌ر عه‌لى به‌گ، وه‌كیلێ میرێ ئێزدیان بۆ كارۆبارێن په‌یوه‌ندیان بۆ(باسنیوز) راگه‌هاندكو:" بۆ باشكرنا ژین و ژیارا ئاوارێن شنگال دخوازین حكومه‌تا هه‌رێما كوردستانێ و حكومه‌تا عێراقێ خیڤه‌تان راكه‌ن ل جهێن هه‌موو خیڤه‌تان بۆ ئاواران بلۆكان خانی بهێته چێكرن داكو ژ مه‌ترسیا ئاگربه‌ربوونێ خه‌لكێ مه رزگاربیت و ترۆمبێلێن ئاگرڤه‌مراندنێ بۆ كه‌مپان بهێنه دابینكرن داكو زیانێن گیانى ودارایی ئێدى ناڤ كه‌مپان دا دروست نه‌بن چونكو راستى ژى خه‌لكێ مه تووشى گه‌له‌ك كێشه‌یان بووینه ".
ئاشكه‌را كركو:" مانا ئاواران دبن خیڤه‌تان دا گه‌له‌ك درێژبوویه، دخوازین پتر پووته دوسیه‌یا ئاوارێن شنگال بهێته دان، حكومه‌تا عێراقێ كه‌مته‌رخه‌میێ د دوسیه‌یا شنگال دا دكه‌ت بتنێ خه‌لكێ مه ته‌ناهى دڤێت لێ هێشتا به‌غدا نه‌شیایە ل شنگال ته‌ناهى بۆ خه‌لكێ دابین بكه‌ت داكو ئاواره ڤه‌گه‌رنه سه‌ر جهێن خۆ".
تعليقات