ئاوارێن ڤه‌گه‌رياينه شنگال دووباره يێ ڤه‌دگه‌رنه ناڤ كه‌مپێن دهۆكێ
ئاوارێن ڤه‌گه‌رياينه شنگال دووباره يێ ڤه‌دگه‌رنه ناڤ كه‌مپێن دهۆكێ
بەرپرسێ راگەهاندنا رێڤەبەریا بەرسڤدانا قەیرانان ل پارێزگەها دهۆكێ راگەهاند، هژمارەكا زۆر ژ ئەو خێزانێن چووینە شنگال، دووبارە یێ ڤەدگەرن و نها ئەو مژوولی دانانا میكانزمەكی نە بۆ دووبارە وەرگرتنا وان وەكو ئاوارە.
كاروان زەكی، بەرپرسێ راگەهاندنا رێڤەبەریا بەرسڤدانا قەیرانان ل پارێزگەها دهۆكێ تایبەت بۆ (باسنیوز) دیار كر: "د هەیاما بۆریدا نێزیكی 10 هزار خێزانێن ئاوارە ڤەگەریابوونە شنگال ل سەر مال و مۆلكێن خوە، بەلێ ژ بەر نەبوونا ئێمناهیێ و نەبوونا پاریێ ژیانێ، هژمارەكا زۆر یا خێزانان نها دووبارە ڤەدگەرن".
زەكی ئاماژە ب هندێ ژی دا: "ئاریشا مەزن نها ڤەگەریانا دووبارە ئاوارەیانە بۆ هەرێما كوردستانێ، چونكو دەمێ خێزانەكا ئاوارە ڤەدگەریتە شنگالێ، فۆرما ئاوارەبوونێ و خیڤەتا خوە ددەتە دەستێ حكومەتێ و ژ بەر هندێ ژی نها ئەم ل گەل پارێزگەها دهۆكێ د گفتۆگۆیان داینە بۆ دانانا میكانزمەكی بۆ ڤەگەریا وان یا دووبارە بۆ دهۆكێ".
بەرپرسێ راگەهاندنا رێڤەبەریا بەرسڤدانا قەیرانان دیار كر كو: "نها 15 كەمپێن ئاوارەیان و 5 كەمپێن پەنابەرێن رۆژئاڤای ل سنوورێ پارێزگەها دهۆكێ هەنە".
تعليقات