خه‌لكێ شنگال ب تانكه‌را ئاڤا ڤه‌خوارنێ دكرن
خه‌لكێ شنگال ب تانكه‌را ئاڤا ڤه‌خوارنێ دكرن
رێڤەبەرێ ئاڤا شنگال دیار كر كو پتریا كۆمەلگەه وگوندێن سەر شنگال ڤە تووشی ئاریشا ئاڤا ڤەخارنێ بووینە وئەو خەلكێ ڤەگەریاینە سەر جهێن خۆ ب تانكەرا ئاڤا ڤەخارنێ دكڕن.
مەهدی قاسم، رێڤەبەرێ ئاڤا شنگال بۆ (باسنیوز) راگەهاند كو: "ژبەر نەبوونا كارەبێ ئاریشا ئاڤا ڤەخارنێ دا چێبوویە. هندەك رۆژان بۆ دەمێ 24 دەمژمێران كارەبا نشتیمانی یا باش نینە ئەم نەشێن ئاڤا ڤەخارنێ بدەینە وەلاتیان نەخاسمە ژی دناڤ سەنتەرێ شنگالدا هەروەسا ژی ل پتریا كۆمەلگەهێن سەر شنگال ئاریشا ئاڤا ڤەخارنێ هەیە. ل 40 گوندان ژی ئاریشە هەیە ئاڤا وان باش نینە بۆ ڤەخارنێ. ئەو خەلكێ ڤەگەریاینە سەر جهێن خۆ هەموو ب تەنكەرا ئاڤا ڤەخارنێ بخۆ دكرن ئەڤە ژی بارگرانیێ ل سەر وەلاتیان دروست دكەت".
ئاشكەرا كر: "هەر ژ سالا 2017ێ وەرە هەتا نۆكە بتنێ جارەكێ ئیدارا نەینەوا هەڤكاریا شنگال كریە بۆ دابینكرنا گازوائیلی داكو موەلیدێن ئاڤێ پێ بدەینە كارێ. وەكو دیتر هەڤكاری نینە دەمێ كارەبا نشتیمانی نەبیت ئاڤ بۆ وەلاتیان ناهێتە دان".
گۆتژی: "هندەك رۆژان بۆ دەمێ 24 دەمژمێران دوو دەمژمێران كارەب هەیە هندەك جاران هەر نینە ئەم نەشێن پشت بەستنێ ل سەر كارەبا نشتیمانی بتنێ بكەین چونكو خەلك بێ ئاڤ دمینت ".
تعليقات