سۆزدار ره‌شيد: شانسێ ئێزدیا د یاسایا نوو یا هەلبژارتنێن پەرلەمانێ عێراقێ دا
شانسێ ئێزدیا د یاسایا نوو یا هەلبژارتنێن پەرلەمانێ عێراقێ دا
سۆزدار ره‌شيد
هەمو یاسایێن د وەلاتی دا د قابلی گهورینێ نە بەرەف باشتر ژ پێخەمەت گەهشتن ب پێشڤەچون و خواستا نشتیمانی پەرلەمانێ عراقێ ژی بفەر دیتی یە یاسایا هەلبژاردنێن ئەنجومەنێ نوینەرێن عراقێ راست ڤەکەت و لشونا یاسایا کەڤن یاسایەکا نو دارێژت ئەوا دبێژنێ ( یاسایا ژمارە 9 یا سالا 2020 ) گهورینێن بەرچاڤێن ڤێ یاسایێ لشونا کو هەر پارێزگەهەك بازنەیەکا هەلبژاردنان بت کو د یاسایا کەڤن دا دبونە ( 18 ) بازنە لسەرانسەری عراقێ د یاسایانو دا بوینە ( 83 ) بازنە دڤان ( 83 ) بازنان دا ( 320 ) پەرلەمانتار دێ دەرکەڤن ژ وانا ( 237 ) دێ ژ رەگەزێ نێر بن و رێژەیا ئافرەتان دێ ( 83 ) ب کوتایان دەرکەڤن ئەڤە ژبلی وانێن ب دەنگێن خو یێن راستەقینە دەردکەڤن زێدەباری ( 9 ) کوتایێن پێکهاتان کو ( 1 ) ژ وان ل پارێزگەها نەینەوا بارا پئکهاتێ ئایینی یێ کوردێن ئێزدی یە کو ژمارا گشتی یا پەرلەمانتارا دبنە ( 329 پەرلەمانتار ) ئانکو هەر پارێزگەهەك کریە چەندین بازنێن هەلبژاردنان ئەڤ کهورینا هاتیە ئەنجامدان د یاسایا نافهاتی دا شانسێ ئێزدیان ل ( 2 ) بازنێن هەلبژاردنان بشیوەیەکێ باش و بەرچاڤ تێدا دیارە و ئەو هەردوو بازنە دکەڤنە ( پارێزگەها نەینەوا ) ل وێنەیێ ئێکێ ل خالا ( 2 و 3 ) بەلێ ئەگەر شەرێ کوتا ئێزدیا یا ئێختیم کارتێکرنێ ل دەنگان نەکەت !!!،بۆ ڤێ مەرەمێ ژی ئێزدی پێتڤی ب دارشتنا پلانەکا توکمەنە بەری بریارێ بدەن بو بەژداریێ دهەلبژاردنێن داهاتی یێن پەرلەمانێ عراقێ یێن کو بریارە ل مەها شەش یا ڤێ سالێ دا بهێنە ئەنجامدان ئەڤجا لسەر چ لیست و قەوارەکێ سیاسی بن نە وەکی جارێن بوری گەلەك بەربژێر هەبن و دەنگێن وان بهێنە بەلافکرن و شانسێ هەمویان لاوازببت و لسەر حسابا وان هندەك کەسێن دی بچنە د تەلارێ پەرلەمانی دا،بەلێ بمخابنی ڤە ل پارێزگەها دهوکێ بازنەیێ ( زاخو - سێمێل ) شانسێ ئێزدیان یێ لاوازە ژبەر کێمیا دەنگان ل ڤی بازنەی کو ئێکە ژ سێ بازنێن هەلبژاردنان ل سنورێ پارێزگەها دهوکێ ئەو ژی د وێنێ لخوارێ دا دیار دبت ،بو ڤی بابەتی پێتڤی بو مە ژمارێن دەنگدەرا زانیبا دا مە کاریبا بدروستاهی ڤی بابەتی شلوڤە بکەین، بەلێ ئەو کەسێ بڤێت خو بەربژێر کەت پێتڤی یە ئێکەم جار بزانت ئەو لسەر چ لیستێ بەربژێرە و جەماوەرێ وێ لیستێ چەندە ژ کوما دەنگدەرێن وی بازنێ دەنگدانێ.
تعليقات