بەفر ل سەرێ چیایێ شنگالێ بارى
خانى نيوز:
ئەڤرۆ ئێڤاری بارینا بەفرێ ل سەرێ چیایێ شنگالێ دەستپێکرییە و سیمایێ کەمپا سەردەشتێ ل سەرێ چیای سپی کریە.
عەلی شەعبۆ رێڤەبەرێ کەمپا سەردەشتێ بۆ خانی نیوز راگەھاند: رەوشا ئاوارەیێن سەرێ چیای گەلەک نەباشە و پشتی بەفر باری و وەرزێ سەرمایێ دەست پێکری، رەوشا وان دناڤ خیڤەتان دا خراپتر بوویە.
رێڤەبەرێ کەمپا سەردەشتێ گۆت ژی: ژ ھەیڤا ۱۰ یا سالا ۲۰۲۰ ھەتا نوکە چو ھەریکارییەک ب سەر ئاوارەیێن کەمپا وان نەھاتینە دابەشکرن و ئەو داخوازێ ژ رێکخراوێن جیھانی و حکومەتێ دکەن کو ھەریکاریا ئاوارەیێن سەرێ چیایێ شنگالێ بکەن.
کەمپا سەردەشتێ ل سەرێ چیایێ شنگالێ ییە و ل دەستپێگا ھاتنا داعشێ خەلکێ وێ دەڤەرێ ئاوارەی سەرێ سەرێ چیای بووینە، زێدەتری ٥۰۰ خێزانێن کوردێن ئێزدی دناڤدا دژین.
تعليقات