ل باشيكێ 21 مەزارگەهێن ئێزدیان هاتنە ئاڤاكرن
ل باشيكێ 21 مەزارگەهێن ئێزدیان هاتنە ئاڤاكرن
سەرۆكێ قەوالێن ئێزدیان دیار كر كر تیرۆرستێن داعش 21 مەزارگەهێن ئێزدیان ل باشیكێ وبەحزانێ پەقاندبوون نۆكە ب پشتەڤانیا خێرخواز و كەسایەتیێن ئێزدی هەر 21 مەزارگەهێن ئێزدیان دووبارە هاتنە ئاڤاكرن.
قەوال بەهزاد سلێمان سڤۆ، سەرۆكێ قەوالێن ئێزدیان بۆ (باسنیوز) راگەهاند: "سالە 2014ێ ل باشیك وبەحزانێ 21 مەزارگەهێن ئێزدیان هاتبوونە پەقاندن. هەتا نۆكە هەر 21 مەزارگەه جارەكا دی یێن هاتینە ئاڤاكرن و نوژەنكرن و ئێزدی رێورەسمێن خۆ ئاینی ل بەر ئەنجام دەن ئەڤ مەزارگەه ب رێیا خێرخوازێن دەڤەرا باشیك و بەحزانێ و مجێورێن وان مەزارگەهان و كەسایەتیێن ئێزدیان و دەولەمەندێن ئێزدی هەتا ژی رێڤەبەریێن كارۆبارێن ئێزدیان پشتەڤانی هاتییە كرن بۆ ئاڤاكرنا هەموو مەزارگەهێن ژلایێ تیرۆرستێن داعش ڤە هاتینە پەقاندن".
سەرۆكێ قەوالێن ئێزدیان، ئاشكەرا كر كو: "مەزارگەهان پیرۆزیەكا مەزن ل دەڤ ئێزدیان هەیە تیرۆرستێن داعش مەزارگەه پەقاندبوون داكو ئێزدیاتیێ بەرزە بكەن لێ چوو جاران ئێزدیاتی بەرزە نابیت دێ هەر دگەشبوونێ دابیت. نۆكە هەموو مەزارگەه یێن هاتینە ئاڤاكرن وچێكرن ل باشیك وبەحزانێ و ئێزدی ڤەگەریاینە دەڤەرێ".
ل دووڤ ئامارێن رێڤەبەریا گشتی یێ كاروبارێن ئێزدیان ل وەزارتا ئەوقاف و كاروبارێن ئاینی هەرێما كوردستانێ، 68 مەزارگەهێن ئێزدیان سالا 2014ێ ژلایێ تیرۆرستێن داعش هاتبوونە پەقاندن.
تعليقات